向上野出發

2007.01.01

到左酒店, 已經係下午兩點半, 我地5 位同事都決定去downtown, 於是坐3 點的shuttle 出 narita station 再坐火車去downtown, 我地係千葉同上野兩個地方中, 選了上野, 因為日本阿哥話個度都幾多野行...

坐到出去上野, 已經差唔多5 點了, 天都開始黑了....

 

我地進入左上野其中一條街...

今日係元旦, 到處都見到一袋袋的福袋, 我就冇買啦, 因為又唔知裡面有d 乜, 更加唔知o岩唔o岩自己用, 加上又唔係平...唔想哂錢...

今朝只係食左個早餐, 之後係機上忙到野都未食, 決定與同事係下面呢度醫下個肚...

一入店內, 到處都係不同款式的魚生飯...不過我就唔係太識睇...

店舖有分上下層, 人都幾多啊! 不過我地一行5 人入了店內, 日本人都好識做, 快快食完就讓位給我們...

終於坐低左, 左望右望, 睇下自己想食乜...

睇埋個menu, 因為menu 入有圖案, 所以好快我就明白某d 日文字係點解啦!

人人都叫了自己最喜歡的配搭..

終於我都冇叫錯, 有我最喜歡的海膽, 三文魚子, 同埋三文魚... 不過海膽唔係太新鮮, 有點失望...

食完魚生飯...有兩位同事比極大的八爪魚丸吸引住, 要叫一個黎食喎!

係唔係好大粒呢?

完成品, 不過口感就普通啦!

之後我地打算去行department store, 點知今日佢地關了門, 最後係再冇野行的情況下...我地決定坐埋車番去narita station, 再坐巴士去 aeon centre shopping...一入到那間 sanrio, 我又破費了, 其實仲有好多野想買, 但真係唔想洗咁多錢, 要忍下手先得! 下面兩樣就係我的戰利品...

shopping 完, 我地番酒店放低d 野...再行去食牛肉飯...

yummi!!!!  真係好好食, 後日我又會再黎東京, 有機會一定再黎食!

dinner 完, 已經 11 點了, 但同事們仲話要 party 一下喎! 於是我地5 個人去了其中一位同事的房間玩...我係唯一一個死都唔肯飲啤酒...自己知自己事啦! 1. 我咁大個女未試過飲啤酒, 所以更加唔可以係outport 飲!萬一唔掂咁點算? 2. 我連聞到啤酒陣味都唔多鍾意囉! 3. 雖然明天下午先要飛番香港, 但我唔覺得自己會recover 得咁快囉! 所以都係唔好搞我啦!  雖然佢地成日叫我飲, 但我堅決拒絕...結果我地玩的時候, 佢地輸左就飲酒, 我輸左就食野...結果食到我飽到投降....而其他同事都開始癲癲地, 好明顯, 最清醒的一定係我...

最後玩到成兩點, 大家先肯離開....事後原來有事發生, 不過我都係第2 日先知, 仲要係有人話我知, 不過又唔關我事, 所以我都沒有太大的反應, 佢地問我感唔感覺到, 我真係唔肯定囉! 入左黎做一段時間, 乜都睇過哂, 聽過哂, 再有什麼事發生, 自己都沒有太大的感覺...