一切由轉position 開始

2007.01.29

第231 次飛行

由於我係第一次去 杜拜, , 之前又check 左自己應該做經濟客艙, 亦因為呢排真係太忙, 所以只係準備左有關經濟客艙的資料...例如個service flow 係點...等等...點知briefing 一開始, 老總 assign position 時, 我竟然變左負責商務客艙... 事後, 有人同我講因為本班機有一個好耐都冇升的同事, 佢本身係做商務客艙既, 因為怕佢太懶, 所以老總轉哂大部分同事的position...但我真係唔明, 其實老總只係轉那同事與其中一位同事就可以了, 點解仲要調哂大部分同事的position 呢? 仲要搞到我冇得sell 野...同埋....帶俾我一班不是太快樂的機...仲有....一樣野...等我寫回程的時候先講... 其實同事有問我點解唔同老總講唔好轉自己個position, 但佢係top 10 喎, 我邊敢問呀? 成個pattern 成5 日, 我唔想因為咁而有hardtime...加上, 始終我覺得一切自有安排...

果然...上主俾左個屎位我做...不過可能係上主俾我的一個考驗黎既...

老總講到明, on ground 乜都唔准派, 只係准俾 newspaper, 去 drink, 亦唔准放任何野係佢坐位附近...就算掛乘客的jacket 都唔得...搞到成日on ground 會做哂所有野既我, 真係有d 唔慣...加上今日上客的時候, 又好rush...總之一團糟咁...好似幫d 客掛哂jacket 就已經要起飛咁...

起飛後, 先係惡夢的開始...因為做做下第一個service, 我已經發覺我partner 有少少朦查查, 加上唔知係唔係佢有成3 位家人都坐左係商務, 所以特別緊張呢? 加上我又唔記得左呢位同事y 比較新, 成日交帶左佢做既野, 我都冇check back, 諗住信得過佢, 好似叫佢俾紅酒俾某某客人, 點知佢只係幫我開左支酒, 但冇俾到那位客人...搞到客人再問我要紅酒, 我先知同事y 根本冇俾到佢...好彩客人唔介意咋!

做到dessert 的時候, 阿姐終於講左句: "there is a cloud in our galley", 話說我同阿姐去2 man trolley, 我見個cake 就黎冇哂, 叫同事y 拎個新既俾我...點知佢冇係下面墊一張 dollies, 就成個cake 拎俾我...我叫佢墊番張紙, 但阿姐已經話唔洗...同我講番到galley 先整...

終於用左4 個鐘先做完成個service...真係做到我嘔白泡...之後serve cockpit, 同事y 唔知serve cockpit 要用 cockpit 杯....睇到我同兩位阿姐眼都凸... 之後全程serve cockpit, 都係同事y 試做...而我? 我累到死...有得坐真係好坐...

其實做完第一個service, 紫姐應該同老總講左d 野, 於是老總與同事y 傾左一陣...雖然老總係top 10, 但我覺得只要你做番佢係 briefing 所講既野, 老總其實都好nice 架! 我同老總都有一兩句架!

到第2 個service...因為service 簡單, 只係需要用兩架trolley overlap, 加上有位經濟客艙的同事黎幫手, 所以可以 release 我出黎做assist, 情況就好了點, 同事y 成日話佢搞得掂...但...我真係信唔過啦, 乜野都係親力親為好了...睇到同事y 朦查查, 我不禁歎息...就係呢個時候我先記得佢原來仲好新, 只係做了一年左右...都唔緊要, 我而家記得都未遲..哈哈!

差唔多 landing 的時候, 紫姐要點 overnight kit的數目, 我同紫姐一齊去點, 點知發覺派多左3 個, 其實派overnight kit 時, 大部分都係同事y 派, 但以我記得, 應該冇客人拎多左個喎, 之後阿姐話唔緊要...但想不到過了一會兒, 紫姐同老總講左, 然後佢地兩個叫我去叫同事y 見佢地...原來佢地懷疑同事y 的 3 位家人拎左...後來再聽同事講, 因為同事y 俾老總見到佢打包左d orange juice, 所以懷疑唔見左那3 個overnight kit 都係佢拎左...後來水落石出, 原來同事y 派埋俾3 位機師...

同事y 已經俾阿姐同老總一個唔多好的印象, 點知臨landing 時, 同事y 的媽媽入左washroom, 到captain 講: " cabin crew pls be seated.." 佢媽媽都未出黎...唉...睇見所有事都對同事y 不利, 我都無能為力...

經過 9 小時的機程, 終於到左杜拜...係呢度, 我祝同事y 回程好運...