巴黎獨自遊 I - 艾菲爾鐵塔

2007.01.18

由於同事們都去了買名牌, 唔多好名牌的我, 又獨自一個人去 sightseeing 了...

今次係我第3次到巴黎, 都唔明點解, 年年都係冬季先有機會黎巴黎...次次天氣都係唔好既..

昨日諗好左行程, 希望今日可以去得哂啦! 9 點鐘, 巴黎o岩o岩天光, 就立即出發!

係station 一口氣買左一套 10 張的 carnet 票, 方便自己去sightseeing, 唔駛次次坐車都先買票!

坐6 號線去Trocadero 呢個站, 一行出去, 就係第一站就係Palais de Chaillot - 夏佑宮, 因為係呢度, 可以睇哂艾菲爾鐵塔的全貌...

一出MTR, 大風到差d 連我都吹走埋! 另外順帶一提, 呢幾日巴黎的天氣都好差, 多雲, 天又黑, 又落雨, 又大風...所以今次影的相片都不是太好, 最後有時我索性用黑白mode 影算了, 因為我覺得彩色同黑白影出黎的效果都冇乜分別, 相信大家睇完下面的照片都會有同感...加上大風, 好多相片都blur 左...

其實我都係第一次係呢度望過去鐵塔...好遺憾, 天色真係好差....

 

睇下下面呢張, 係唔係同上面個張冇乜分別呢?

 

離開左夏佑宮, 沿住散步大道, 就會直達Tour Eiffel - 艾菲爾鐵塔...

艾菲爾鐵塔就係我地成日講既巴黎鐵塔啦!

去到鐵塔的時候, 落起雨來, 加上又大風, 都冇得遮, 所以都幾狼狽下.. 而今次我依然都係冇上去鐵塔的高處... (1) 天氣唔好, 上左去都冇用... (2) 我唔希望要獨自一個上去咁淒涼...

 

不過有樣野好想講既係, 每次我見到鐵塔, 都會令我想起伍姑娘個首 "失落於巴黎鐵塔下" ! 哈哈!

影了幾張相, 就急急腳行去Bir-Hakeim station, 坐MTR去下一個目的地....