日本機 = 印度機?

2007.01.02

第 224 次飛行

今天要做兩程, 東京去台北, 台北去香港...兩程都係full load...都預左會辛苦...但冇諗過做日本機好似做印度機咁囉!

首先差唔多成機都係日本人, 仲以為會好好做, 佢地好易話為, 但完全相反, 我每一次cabin, 一定會有千千萬萬的手抻出黎阻擋我的去路... 忽然令我想起d 印度人呢! service 做到尾聲時, 真係唔知點解, 又唔夠 tray, 又唔夠main course, 睇哂 所有oven 都冇main course, 商務客艙又未做完 service, 搞到又release 唔到extra main course 俾我地...最後有好幾個日本人要等成半小時先有商務客艙release 出黎的main course 俾佢地食, 期間我同我partner 都唔敢出 galley...因為d 日本人已經成日問我地點解仲未有 main course, 而我地都答到已經唔想再答, 有時唔係我地唔想俾main course, 而係事實上並未允許, 雖然我覺得唔係太好, 但請大家體諒, 只怪公司孤寒load 多少少main course 都唔怕死啦!

之後又係我賣 duty free 的時間...之前做呢班機都冇咁多order 既, 都唔知點解今次會有咁多...有一家人, 一家3 口, 分開哂order, 但佢地夾埋幫我買左成萬幾蚊 duty free, 之後 頭等有個女人又幫我買左成差唔多8 千蚊...真係睇到我眼都凸!  不過都有小意外發生, 香港的職員load 錯左上一季的 duty free booklet, 而那位頭等女乘客又咁o岩睇左本舊booklet, 我拎左張單, 依住自己新的 booklet 黎執, 最後同女乘客對items 的時候, 發覺錯哂! 細睇之下, 先知佢睇左本舊野...結果佢要再睇多次本新booklet 再order 過...不過佢好好人, 完全冇怪我, 同埋好多謝頭等的阿姐咁support 我...thank you all for the flight!!!

終於番到香港...明天再戰東京!