2007.01.04
第225 次飛行
唯一辛苦既, 就係有一段時間氣候好勁, 我與某同事一度要坐係passenger seat...
放左工, 本來應該番屋企既, 但今日比較特別, 係續約的日子, 起初我以為只係得自己一個見媽媽生, 但原來仲有3 個一齊...媽媽生睇番我地過去的record...逐一講有乜野改善的地方, 對於自己的record 有如白紙, 感到安落哂...一簽, 我就成為perm 了...
簽完, 有同學問我有冇收到近日好多同事們都收到的 "breach of duty free policy" 的e-mail, 是關於不可以用信用卡買機上的免稅物品...我自己係有用過, 但so far都未收到, 雖然係咁, 但我覺得總有一日會有我份..
回到家, 惡夢來了, 我終於收到那封e-mail, 仲要我係deadline 前解釋..與朋友, 同事商量後, 我打了explanation, 說自己什麼都不知情...老實說, 我training 時冇講過唔可以用卡買東西, 我都係近呢期才知道...
忽然由開心變好唔開心, 我相信將會有好多人都會收到e-mail, 因為自己見過機師, 老總, 阿姐都用過卡...點解要揀 jun04- jun06 黎講呢? 仲要寫我用左幾多次...完全冇哂私隱...後來問同事, 他們說公司唔俾我地用卡買野, 係因為要俾銀行收3 % service charge, 同埋怕我地收左客的cash, 但就用自己卡碌, 從而取得積分...前者, 我可以理解, 但後者...我完全冇諗過喎! 平時已經忙到死, 仲邊度仲會有時間諗埋呢d 野呢? 加上, 我一向對呢d 積分都冇乜感覺, 前個排仲同阿羊申咁多積分都唔知拎黎換乜好...唉, 都唔明點解公司諗到我地咁衰....
No comments:
Post a Comment