續約

2007.01.04

第225 次飛行

回程唔full, 日本客與昨天比, 好了很多...相信, 並不是所有日本客都唔好既...

唯一辛苦既, 就係有一段時間氣候好勁, 我與某同事一度要坐係passenger seat...

第225 次飛行就完結時, 臨landing 前仲做左單大野, 都幾開心. 但下次真係唔該早少少order, thanks.

放左工, 本來應該番屋企既, 但今日比較特別, 係續約的日子, 起初我以為只係得自己一個見媽媽生, 但原來仲有3 個一齊...媽媽生睇番我地過去的record...逐一講有乜野改善的地方, 對於自己的record 有如白紙, 感到安落哂...一簽, 我就成為perm 了...

簽完, 有同學問我有冇收到近日好多同事們都收到的 "breach of duty free policy" 的e-mail, 是關於不可以用信用卡買機上的免稅物品...我自己係有用過, 但so far都未收到, 雖然係咁, 但我覺得總有一日會有我份..

之後我地幾位同學仔傾左成個幾鐘, 先離開公司, 仲可以等埋patpat safety training 完畢呢! 多謝你幫我拎行李啊!  

離開左公司, 估唔到俾家兒見到我與patpat 一齊, 最搞笑係, 佢以為 patpat 係貴人, 以為貴人又番左黎香港呢!

回到家, 惡夢來了, 我終於收到那封e-mail, 仲要我係deadline 前解釋..與朋友, 同事商量後, 我打了explanation, 說自己什麼都不知情...老實說, 我training 時冇講過唔可以用卡買東西, 我都係近呢期才知道...

忽然由開心變好唔開心, 我相信將會有好多人都會收到e-mail, 因為自己見過機師, 老總, 阿姐都用過卡...點解要揀 jun04- jun06 黎講呢? 仲要寫我用左幾多次...完全冇哂私隱...後來問同事, 他們說公司唔俾我地用卡買野, 係因為要俾銀行收3 % service charge, 同埋怕我地收左客的cash, 但就用自己卡碌, 從而取得積分...前者, 我可以理解, 但後者...我完全冇諗過喎! 平時已經忙到死, 仲邊度仲會有時間諗埋呢d 野呢? 加上, 我一向對呢d 積分都冇乜感覺, 前個排仲同阿羊申咁多積分都唔知拎黎換乜好...唉, 都唔明點解公司諗到我地咁衰....

解釋就解釋左...說自己不知情, 加上每次我買, 只係自己鍾意先買, 同埋完全冇利益, 最緊要係以後都唔會再犯...希望冇事啦...

深夜, 收到朋友的來電, 原來佢都收到e-mail, 自己已經好唔開心, 仲要安慰人家...

後記: 原來解釋了, 事情仲未完結...