麻煩多多

2007.01.01

第 224 次飛行

今早, 依然唔安落, 真係笑都唔想笑, 最後我都知唯一解決到問題的方法, 就係打個long distance call...都唔知點解, 我打個電話都要咁大勇氣...打了兩次, 我都打錯左number...已經有點想放棄, 都唔明點解曼谷個d 個area code 成日都轉既...唉! 第3 次, 終於撞中左, 睇黎我對 "電話恐懼症" 已經行出左一小步...要努力努力, 雖然嘈醒左你, 但聽到你把聲...安樂哂, 最意外係你竟然冇發脾氣, 仲識問我今日飛去邊...hehe! 打完電話, 可以放心番工啦!

班機200 位乘客都冇, 但我唔知點解都係麻煩多多的...首先有成三分一都係 id 客...其實我唔係太鍾意有太多id 客, 因為成日都覺得自己做野都俾佢地observe 緊咁...(好明顯我係心理作用...) 最令我意外既, 其中一個id pax 竟然係 ct! 起初我覺得熟口熟面, 但我又唔敢同佢相認喎! 怕認錯人麻! 但我次次行經過的時候, 佢又望下我, 我又望下佢...最後我終於問了一句: "你係唔係 ct?" hahhahahhahha!  原來佢同佢家人去玩...咁玩得開心d 啦!

service 好快就做完, 不過機上面, 只係有野食係唔夠既...仲要有電視睇先得麻! 有id pax 同我講video 有問題, 於是我上去同老總講, 點知, 我未講, 老總塊面已經黑左一半, 原來佢好努力咁整緊....最後, 以我記得, 係整唔番, 好彩係 morning flight, 好多客都選擇訓覺, 只係商務有位客人係咁complain complain, 唉 你係咁complain, 我地都整唔番麻! 最後又要出動我部duty free cart 內的 voucher...好彩得佢一個complain, 唔係我真係死得.... 那個鬼佬拎左voucher, 就梗係會幫我買duty free items 啦! 點知我又衰既, 當時太多order, 阿姐又壓埋黎話佢因為video 的問題已經唔開心, 情急之下, 冇睇到佢要兩件, 只係執左一件俾佢, 拎俾佢之後, 我梗係俾佢鬧左一大輪啦! 佢真係鬧我架!  係咁話: " u all never listen, u all never read...blahblahblah..." 其實我知道佢應該爆左一兩句粗口, 不過我已經關起了我雙耳, 所以我唔知佢講乜, 由得佢講, 我同佢講sorry, 老實講, 我真係好想加多句: " yes...i never read..." hahhahahhaha!  因為我真係冇睇到佢要兩件麻! 之後我立即拎番件items 俾佢, show 完俾佢睇, 就完成交易, 當然, 呢d 情況, 我心中一定會暗罵佢一兩句...冇法啦! 孤菇係好憎男人發脾氣同埋鬧我既, 我咁大個女都未俾老豆鬧過, 其他男人要鬧我? 一定唔會好過...sorry to say that.....

處理哂所有單後, 都差唔多descent, 我又要處理公司的新搞作, 貴 items 那個cart 有條 separate key, 第一次做, 當然唔多識, 搞左一大輪...終於搞掂, 我不禁係galley 大叫: "都唔知點解做多個程序都會哂我咁多時間呀!!!!" 

可能做得太辛苦了, 番到酒店, 我發覺自己某個傷口爆左...後來, 我partner 仲問我隻手指發生乜野事...不過我覺得自己成日都係咁, 傷口一上機, 又好易爆, 明明就快好番, 都爆...

呢3 個幾小時的飛行時間, 真係好漫長, 但我就忙到完全令我暫時忘記一切...連受了傷都忘記了...