巴黎獨自遊 II - 聖心堂

2007.01.18

係Bir-Hakeim 坐6 號線, 再係Ch. de Gaulle-Etolle 轉2 號線去到Anvers 呢個站, 就到達了Montmarte - 蒙馬特...再行大約3 分鐘就到第2 個目的地 聖心堂 - Basilique du Sacre-Coeur...

 

唔好睇教堂好似好近, 其實仲要行成百幾級樓梯先上到去架! 未上樓梯之前, 發生左d 小插曲, 有好多黑人企左係樓梯的最低部, 當遊客要上樓梯時, 你會見到佢拎住幾條線, 再對你唔知講左d 乜野, 類似係想將d 線箍係你對手上...又或者手指掛...起初見到佢地成group 人, 我真係有d 驚, 行開左, 但諗諗下, 冇理由為左佢地而唔上去教堂麻! 加上我又見到好多遊客都仲繼續上去, 所以我決定闖一闖...果然, 佢地係咁"嬲" 住我...我好快咁閃入一對couple 隔離, 死都貼住那對couple 一齊行, 終於順利過關, 上到樓梯去聖心堂... 話時話, 我到而家仲諗緊, 究竟個d 人係度做乜野呢? 有冇人解釋到俾我知呀?  我諗緊係唔係戴左就要收錢...

行了10 分鐘, 終於到了高85米的聖心堂...

想不到, 從這裡望出去的巴黎都不錯!

企係呢度, 真係好大風啊! 仲勁過 8 號風球!

唯一遺憾既, 好多名勝係呢度都睇唔到...

入了教堂一會兒, 祈禱完, 點了一支爉燭, 點知點極都點唔著, 仲差d 燒著埋個樽, 後來好彩有工作人員幫下手..之後係爉燭前許了幾個願, 買了樣紀念品, 就走了...行番落去, 又俾那幾個人圍攻, 今次佢地仲追住我...嚇鬼死孤菇呀!  下次都係有人陪先好上去啦...嗚嗚嗚.....都話巴黎好危險架啦!
甩到身後, 好餓, 去了頭先一早睇中左的cafe 內lunch 一番...揀了個勁有cheese 味的飽, 同埋一杯 cappaccino... yummi!

 

係蒙馬特, 聽到好多廣東話..可能o岩o岩有香港團掛...o岩o岩係我隔離食野的couple 都係香港人...

本來想去埋紅磨坊既, 但因為俾頭先個group 人嚇親..所以諗諗下, 都係下次先再黎過! 加上當時已經差不多下午一時, 冬天的巴黎好快就天黑, 所以要快d 去下一個目的地...