日本人的真面目?

2007.01.03

第 225 次飛行

今日又回到東京, 去個程又係full...其實我一向都好鍾意做日本機, 因為覺得日本客幾易滿足...

但今次, 我覺得同o岩o岩昨日做完個班日本機, 真係有得揮....

話說我做meal service 的時候, 忽然有位日本客不斷係 cabin 走黎走去...仲係我後面話: " u miss out me, i hate this airline, this is not service...!!!!" 當時我完全唔知發生乜野事..於是我問佢發生乜野事啦! 點知佢係咁keep 住話 " u miss out me!!!" 我真係打哂問號囉! 我次次派 tray 同 main course 都會double check 係唔係人人都有得食架麻! 今次都唔例外, 於是我問那位日本人坐係邊...佢指住 55 a, oh...原來完全唔係我個zone, 之後那位日本人都行走哂...而我就繼續同我partner 做service, 不過當然有同阿姐講聲啦! 阿姐係一種唔係太理乘客的人, 我同佢講完, 佢只係笑笑口...冇再take further action 囉! 事後原來呢個日本人係同每一位同事都講相同的說話, 不斷話: " i hate ur airline...i hate ur airline...." 大家都覺得佢癲癲地...後來聽說, 呢位客人係做drink service 的時候, 去了洗手間, 當佢出番黎, 已經過了佢...佢怪某同事冇留意佢已經番左埋位, 應該自動自覺番去問那日本人想飲乜野先o岩...係呢件事上, 我都唔知講乜野好...有時咁多客人, 要認番邊位頭先唔係度而冇drink 的確有點困難, 但點解佢地想要 drink 的時候唔親自問我地呢?  日本人就是這樣子...時時都要我地重視他們...

另外有個case, 係同事a 話我知, inflight 的時候, 佢倒一杯 orange juice 俾日本客...點知個客拎杯野的時候, 唔小心自己滴左一兩滴係自己件衫度...同事a 立即拎wet towel 俾日本客, 日本客都仲笑笑口話冇事冇事, 點知過了一會兒, 有位日本阿姐就拎左那位日本客的衫去洗...之後日本阿姐仲同我地阿姐講關於呢位客人的事, 同事a 知道後, 都立即同番阿姐講佢點處理呢件事, 同事a 唔係太開心, 佢覺得 1. 唔係佢整到客人的衫污漕, 係客人自己唔小心整到自己... 2. 同事a 已經立即俾 wet towel 佢抹... 3. 件衫只係得一兩滴, 日本阿姐唔洗誇張到將客人成件衫洗到濕哂...  4. 日本客明明笑笑口與同事a 說冇事, 但事後又走去同日本阿姐唔知講左d 乜, 搞到日本阿姐幫個客洗衫, 同事a 覺得, 如果日本客有d 乜野不滿, 同佢講就得啦, 點知表面笑笑口, 心裡又咁介意呢? 同事a 就係唔鍾意日本人的虛偽...

至於今次都有d 唔開心事發生係自己身上架! 如常賣duty free, 一隻 15 美金的公仔, 日本人俾20 蚊我, 要我找 5 蚊, 我同佢講我冇美金散紙找...我話找其他散紙or 用卡可以嗎? 點知佢死都唔肯用卡, 其他散紙, 佢又話佢冇機會用...最後佢叫我去check 有冇美金找俾佢...我都好老實同佢講, 因為我去日本, 所以手上冇美金係手...(唉, 去日本, 我帶美金做乜鬼喎!) 最後僵持冇結果之下, 佢好有權威話cancel 個order, 我亦都好乾脆講左句好, 因為我真係冇哂辦法...算啦, 又唔係大野...

俾d 客搞到不太愉快的心情下, 我又重回東京...本來唔想出去既, 但為了令自己開心一點, 最後決定與幾位同事出一出去....