不求人

2007.01.27

第230 次飛行

3 點半起身, 番到公司差唔多早上6 點, 天都未光, 人都冇隻...影番張相先...

 

老實講, 今日呢班機, 我有點不快...不過總算順順利利, 我就算...

今日做班馬尼拉即日來回...去個程, 商務得6 位客人, 有位客人成日同我傾計, 仲問我知唔知邊個係杜德偉喎! 我話我知, 之後佢就話杜德偉係佢cousin...我聽完, "噢" 的聲...心想...都唔關我事啦....

回程因為經濟客艙overbook... 令到商務客艙都full load, 我set 好自己的trolley, 點知臨出去做service 時, 紫姐話叫我做佢個邊, 佢做我個邊喎! 我覺得奇怪, 佢咁做, 一定有佢的原因...樂觀d 咁睇, 可能本身我個邊有好多diamond card member? 所以佢要做我個邊? 我發覺又冇d 咁既事喎, 但其實一開始我就諗到衰個邊...話說本身紫姐個邊有位客人其中一隻眼有問題, 番到香港其實係要睇醫生, 紅姐起飛的時候同我講, 如果掂過那位客人的東西, 一定要洗手...因為可能有細菌, 所以唔知係唔係呢個原因...所以紫姐想同我換位置serve 客人...與我同級的同事, 見紫姐有咁的調動, 都問我點解, 我廢事講啦, 因為自己都唔知乜野原因...但我直覺話我知係因為那客人...因為事後我發覺紫姐從來都唔會去佢本身應該serve 個邊.. 

到出trolley serve drink 同 main course, 感覺又係好慘...我個邊, 永遠冇人幫我...全部自己黎...紅姐好少出黎, 同級的同事本身要 assist 紫姐麻, 雖然佢有時都會黎...但次數唔多...最慘係紫姐做得快過我好多, 但中間位幾乎全部都係我做埋...紫姐架車番左入galley, 3 個人都冇一個出黎幫下我....當我做到最後兩行, 我決定唔叫佢地出黎, 因為我著左 call light, 都唔會有人應我....我只好叫客人等等, 我自己番去親自整drink 俾佢地好過...之後tray collection, 同級的同事只係黎左我個邊一次收野, 我又要出trolley 去 tea/coffee, 我只好苦笑...頂硬上...但一直, 都冇人收我個邊的tray...搞到我一邊做tea/ coffee, 一邊要收佢地的tray 再放係 trolley 的最低部...後來紅姐終於出黎...幫我收一下tray, 但冇黎問過我要d 乜野 special drink, 就走左...結果我又再一次放棄...只好叫客人等一下, 我番去再親自整...有時真係太多order, 我推番架trolley 入galley, 麻煩同級同事幫我整一整...

我做呢個position, 如果冇一個人幫我, 真係好吃力, 我心諗, 好彩今日的客人位位都好友善.,同埋開始習慣"不求人"..

好不容易, 終於完成了成個service...雖然係不快, 但都要笑住say thank you...如果紫姐真係如我所想的, 我覺得有點過分...不過算啦...都過去了...可能唔係我想像中咁...

平時放工, 我會回家, 但今天...我要去醫院.......