轉呀．轉呀

2007.01.15

第 228 次飛行

今日係不願意起床的情況下上班去...

今天兩程都只係1/2 loading, 加上來回各4 個飛行小時, 所以做完 service 時間都多得很...還有很多時候與同事們傾下計, 咁o岩老總問開我duty free 的問題...傾下傾下, 又係傾到個度, 估唔到老總知道唔碌得卡的反應會咁大...

今日又遇番係公司都幾出名的同事b, 上次同佢飛的時候, 都唔知佢咁出名, 後來過左成年, 我先知佢出名俾hard time 俾 junior 喎! 不過計埋今次同佢飛, 我都感覺唔到人地所講的hardtime感覺...咁當然, 佢就黎升, 咁梗係似阿哥架啦! 呢樣野我可以接受既...佢自己都知自己俾人唱, 對於佢係呢個情況之下, 仲可以處之泰然, 真係要寫個"服"字俾佢囉!

雖然service 好簡單, 但因為長時候都係處於有氣流的狀態, 所以有一段好長時間都冇tea/ coffee 供應, 不過客人都好好, 唔會嘈...不過我就用左好多時間同佢地解釋點解唔serve 得tea/coffee 俾佢地囉! 最感覺就係乘客們叫我地一班同事慢慢黎, 因為有氣流, 要小心啊! 想不到, 乘客們都要擔心我們...

如果有氣流, 自己企得唔穩就話正常者, 但就算冇氣流, 又冇彎腰, 但都成日有頭暈的感覺, 可以做做下 drink, 眼前既野轉下轉下, 搖下搖下, 搞到自己成日問同事, 究竟架機係唔係搖得好緊要, 但同事又話唔係喎... 仲有時行行下, "中" 左去右邊...真係不知道自己發生什麼事, 最恐怖都係今日point exit 時, 又企唔穩, 中左去右邊, point 緊 exit 的手撞向bulk head 那堵牆上...真係失禮死...起初以為又係架機行緊所以我先會咁, 但我眼見周圍的同事們又冇事喎...唔通真係自己問題??

捱得好辛苦, 終於放工了...好想快d 番屋企....

晚上同家兒傾電話, 你同阿羊講既野都一樣, 好啦, 我會乖乖地去驗下架啦!  另外家兒去了check cpp (即係每一個月的評分), 於是我自己又去check 啦, check 完, 係開心既, 但同時,又好失落囉...以我而家的情況, cpp 幾高都冇用架啦...

雖然明天會有一班 golden flight, 但....老實說, 我一點感覺都沒有...現在我只希望下個月會有一個不錯的roster...