挑戰忍耐力 - 乘客篇3

2006.10.07

第203 次飛行

8. 而整班機, 除左兩母女煩到我死之外, 最令我激氣就係而家我將會介紹的客人啦! 其實我本身都冇機會同佢接觸的, 點知我好心咁幫後面的同事收tray, 就係咁, 呢位客人就惹起我把火啦! 話說我收佢的tray 的時候, 佢係咁同我講要 chocolate cake, 咁我地曼谷去孟買呢一程係得個maple cake 咋麻! 點知佢指住個由香港去曼谷的menu 俾我睇, 話要last sector 的chocolate cake, 於是我就好心咁話佢知個chocolate cake 係last sector, 而呢一程係冇chocolate cake 的, 點知佢死都話要 chocolate cake...仲開始鬧我...講真, 雖然第一程的餐仲係度, 但問題係好多都好污漕, 叫我點係裡面拎d chocolate cake 俾佢食呀???? 但既然佢咁煩, 我只好又扮下野, 入galley check 啦, 佢就話: “ yes ! Don't say no to me! Go and check! Check check check!!!!!!!!!!!!” 個check 字, 佢講左n 次, 仲要係大叫個隻, 我真係好唔開心, 我唔俾佢食係因為衛生問題, 但佢就係唔明白, 那時, 我只有兩個選擇, 一係扮冇, 一係就拎第1 sector的chocolate cake 俾佢食, 但真係好污漕, 我都唔知點搵, 仲要已經雪左好多個鐘, 都唔知有冇壞...其實我有諗過, 不如叫佢入黎galley 睇下個food cart 有幾污漕, 睇下佢仲食唔食既 ( 事後我同番d 同事講, 佢地都叫我咁做...), 但我又唔想咁mean, 所以都係死死氣氣搵番d 未食過的chocolate cake 俾佢食, 最後我搵到4 個, 放哂係個tray 度拎俾佢, 呢個時候, 我開始玩野, 佢咁鍾意食? 我俾哂4 個佢, 食到佢唔食! 點知佢只係拎一個! 我就好有禮物咁同佢講, 俾埋呢3 個你...點知佢死都唔要, 但我死都要佢要左去! 我搵得咁辛苦, 佢唔要???!!! 結果個情況係我俾一個佢, 佢就俾番一個我, 爭持左一段時間, 佢依然要一個, 咁我話兩個啦...i know u like this a lot, so i give u four!!!! 搞到個客開始覺得瘀...呢個時候, 商務有位同事要找我, 事件就完結...事後, 我就係俾呢位同事笑左好耐, 佢仲話我個樣勁惡...梗係啦! 我為個客好, 佢又唔知, 仲要鬧我...嗚嗚嗚..

9.另外, 仲有人complain 個special meal, 不過就唔關我事, 只係 caterer的問題, 又有好似聖誕燈的call light...同埋仲有經濟客艙的客人要求要生果...唉, 你估呢度係商務客艙咩????

10. 今次呢班機, 有位印度明星係我地航機上, 雖然我唔知佢係邊個,但佢的確幾有星味既, 似乎仲好受歡迎添! 點解? 因為坐係經濟客艙的客人, 一見到佢就好興奮, 差唔多起飛時, 話要去前面同佢影相...仲有就係前面個阿姐都好興奮...老實講, 孤菇都覺得佢幾靚仔..哈哈!

終於用左兩日打左乘客篇, 黎緊仲有同事篇及飛機篇, 諗番起都覺得慘...唉.........等我慢慢組織完再講..