毒氣入侵機艙

2006.10.20

第 206 次飛行

今晚, 是5 日內最難忘的一晚!

而今晚做班shuttle, 要去的地方就係...下面呢度...

 

兩程都係light loading, 本應值得高興, 但難忘的事不斷發生, 將原本不忙碌的我們, 變得忙碌非常!
話說上了大部分乘客的時候, 機艙內 (我個zone) 傳出一大陣惡臭...起初以為係腳臭, 但同事們則說這是去"大大" 的臭...連在商務客艙工作的同事都聞到, 走下來問發生什麼事, 我們走到最臭那個位, 原來係一位坐 49E 的印度婆婆失禁 "賴屎"...於是佢個女立即同佢去機艙最尾的洗手間處理...這時候, 眾同事都拎出支spray, 徹底噴勻全機艙...有些外國人因為我們的舉動而笑...但真係太臭, 唔噴唔得... 後來聽同事說, 其實婆婆未上機前已經失禁 "賴左", 之後照樣行左入黎機艙, 所以先搞到前面商務客艙的人都聞到... 噴完一輪後, 要起飛了....老總知道後立即落黎睇, 仲安排對母女坐係最後一行, 等同類事件再發生時, 不致於令整個客艙再次臭起來...我地仲以為事件就咁過一段落, 點知仲有下文...
service 做完之後, 我見到我阿姐戴哂手套, 口罩, 總之著到成個董太咁...(sars 個時), 佢話要去洗那個婆婆用完的洗手間, 以我所知, 婆婆用完的洗手間好污漕, 周圍都係"大大", 應該已經block 左, 點知阿姐仲要去洗呢??   事後, 原來係老總走左落黎睇, 睇完要阿姐去洗!  我心諗, 有冇搞錯呀?!老總自己唔洗, 要阿姐洗?  大家都知個洗手間真係好污漕, 有冇菌都未知, 加上今日又light loading, 洗手間又多, block 了一個洗手間應該都可以...待到了sri lanka 再找人處理都可以, right?  仲有, 我覺得老總係人, 阿姐都係人黎架! 你自己唔去洗, 點解要搵人去洗????  其實好多同事都話要幫阿姐手洗, 但阿姐堅持自己去... 而阿姐洗完後, 仲搞到佢唔舒服添! 那一刻, 我覺得佢好慘....
就係咁, 過了3 個幾鐘, 終於到斯里蘭卡....的機場! 由於有成4 個鐘transit, 所以我與兩位同事在機場範圍行下...
最吸引我就係下面呢一set 東西..

 

呢套茶具我幾喜歡, 不過又用唔著..

 

到了斯里蘭卡, 到處都看到大象的精品...

 

想買一隻既, 但又用唔著, 都係冇買...

 

仲有其他精品, 不過貴囉...可以講價既, 可借我太累, 冇氣講...

 

斯里蘭卡, 仲係一個好多茶葉賣的地方...

 

呢度就係機場番新後的樣子, 比起以前, 真係好多了!

 

都唔明點解, 咁夜, 仲有好多航班...

 

就係咁, 我地差唔多行左成個鐘...兩位同事仲繼續行, 我就打算番機艙訓覺...點知所有機門都關了!!!  咁唔通我剩下的兩個鐘都要係出面等, 個機場人員仲抵死到叫我自己開機門番入去! 我就唔敢啦! 機門點可以話開就開架? 我唔想因為要訓覺就冇左份工啊!  最後搵左個負責開門的男人去開門, 佢笑說話今次已經唔係第一次發生, 佢次次都問d 老總d crew 上哂機未, 老總都話上哂, 今次都係一樣, 所以個男人先關門...之後我就話, 咁明明 ground staff 係數左有幾多人出左去麻, 咁應該點番好數先關門, 男人說總之老總話齊人, 就關門... 好不容易, 終於可以攝手攝腳番機艙...

呢張就係俾飛機拒於門外是影下的....

 

回程, 全機同事都對老總不滿, 原因就係佢將個service 複雜左, 明明派完餐, 就要做collection, 點知老總話要去水, 去tea, 去埋coffee, 先可以去 collection... 之後仲要我地去nuts, 去prepour drink <--呢d service plan 完全係冇既...所以d 阿姐好唔妥佢...

雖然transit 有兩個鐘訓, 回程又有一個鐘訓, 但幾乎訓唔到...因為我一直在想一樣東西...唔知你搞成點呢?

終於係早上7 時, 我們又回到新加坡了...

p.s 孤菇化壓力為食糧, 一口氣食左4 個main course....