六小時台北來回

2006.10.05

第 202 次飛行

昨日先番到香港, 今日又要飛個快速台北來回...之前一早check 左回程勁full, 所以今次唔駛再擔心公司會cancel flight, 再將我變做stand by crew 啦!  

番到公司, 發覺原本係用airbus 飛既, 點知已經轉左用boeing 飛, 原來有另一班台北機太少客cancel 左, 呢那班機的客人就搬哂黎我地班機度...而因為轉左用大機飛, 所以原來要operate 那班機的某d 同事, 就轉過來operate 我那班台北機了, 另外亦有同事本來是去曼谷的, 又被公司轉左同我飛台北...最後就好似之前那班大阪機咁, 除了我這個負責做duty free 的extra crew 外, 仲有一位flexi crew, 真係好! 本班機又多了兩位extra 同事! 如果班班機都係咁就好啦! 大家都會做得開心, 唔駛再咁辛苦...

去個程只係得90 幾個客人, 大家當然開心啦...不過我就唔開心啦, 咁少客, 實冇乜人買野啦! 不過世事無絕對既, 有位客人竟然幫我買左幾千蚊野...所有同事都好surprise 啊!  

雖然係light loading, 但都有得意的事情發生架! 話說上客的時候, 有個大陸人, 一上機就係咁講國語嘈嘈嘈, 行到機尾, 咁我問佢乜野事, 又問佢坐邊, 等我帶佢去座位, 點知佢就係咁繼續用國語好似鬧人咁講野...我叫佢冷靜d, 話我知乜野事, 原來佢個座位係 68 G, 佢話點解其他人的座位咁前, 佢就咁後, 仲要冇窗口位..blahblahblah up 左一大輪, 而我就等佢up 完一大輪, 趁佢要透氣的時候同佢講: " 今日我地班機好少客人, 所以應該好多座位都空著的, 你等一會可以慢慢選擇..." 唔知係唔係我d 國語講得唔好, 佢仲係度嘈佢個位太後, 之後又叫我帶位, 好啦, 我帶位, 點知好笑的事就發生了...佢的座位係 68 G, 但全機艙最後的座位都只係 67 行咋! 多奇怪呢! ground staff 冇理由會搞錯架喎! 後來想想下, 終於知道點解, 因為我地原本係用airbus 飛既, 而airbus 係有 68 G 呢個位, 但而家轉左用boeing 機飛, 所以就冇左呢個位...而佢個張boarding pass 完全唔係我地公司出既, boarding pass 上面, 連那位客人的名字都沒有, 起初同事都話佢係唔係上錯機, 當然唔係啦! 點會上錯機呀!  之後就出去搵ground staff, d ground staff 一見到我, 就話: " 你終於出黎啦?! 係唔係那個客人嘈呢?" 唉, 原來你地一早估到....相信呢位客人應該嘈左好耐...後來d ground staff 同我講, 佢地想截住那個大陸人, 因為佢地都知機上係冇68 G, 但那大陸人唔聽佢地講就上左機...佢地想追都追唔到呢! 最後ground staff 幫佢編左個新的座位, 我要求俾個最前同埋窗口位, 因為我唔想一陣上到機, 繼續聽佢同我嘈...我唔想我耳仔受罪....

當我上番機的時候, 大陸人仲係度嘈...同事見到我, 好似見到救星咁...我同佢講: " 我已經盡量安排你去前少少的位置, 仲要係窗口的位置, 仲有仲有, 成行都係你架啦!" 佢立即話: "很好, 很好!"  然後全程機都收聲....呵呵!  而事件都告一段落...
回程, full load, 仲以為會好生意, 點知仲衰過第一程..又係個句: "世事無絕對", 唔係light loading 就冇生意, full load 先有生意既, 往往都會相反的.....見冇乜生意, 幫下同事手做service 仲好!  台北機full load, 一個字: "趕!"
就係咁, 6 個鐘的台北即日來回就咁做完....

今晚終於叫係有時間傾下下個月的小計劃, 而孤菇終於知你想點啦! 好彩我肯去問, 而你又終於有時間答我, 而家知道左, 再依照那個方向想想會比較好...範圍收窄了, 但另一個問題又出現, 就係我地是否能夠順利上機呢? 好彩仲有一個月, 慢慢諗...

lowbay 講得o岩, long d 真係好難搞....