累, 原來是這樣的

2006.10.19

第 206 次飛行

雖然我成日都話累, 但今日, 真正的累, 原來是這樣的...

今日要去新加坡, 本身打算早一個鐘番公司搞d 野既, 點知結果我唔單止冇早左起身, 仲唔知醒...起身的時候, 差唔多 10 點, 嚇死我, 立即打算快快脆脆化好妝走人, 點知係鏡中見到自己個樣, oh no! 對眼腫到成個小籠包咁.. 點上妝呀! 上完個眼妝, 對眼仲腫...唉, 忽然真係有點唔想番工的衝動呢!  但因為要去成5 日, 死都要死去, 為就係為左份allowance!

上到車, 對眼煙到想訓, 結果訓到落車, 孤菇已經n年未試過番工都訓到隻豬咁...成日聽同事話好多人偷拍空姐係巴士上的情況, 不過我都唔理得咁多啦, 就算俾人影左, 個樣咁唔見得人, 應該都冇乜人有興趣, 同埋都冇人知那個係我...

入到briefing room, 同事們都講緊佢地個roster 有幾樣衰, 我都冇乜回應, 因為你地個roster 點衰, 一定唔夠我那個衰囉! 加上個人真係好累, briefing 的時候, 真係要用多一倍精神聽, 先聽得明老總講乜, 仲要答safety 問題, 好彩係問最簡單個條...唔係我怕自己唔知up 左d 乜野答案出黎....

之後就係 section leader briefing, 已經好累, 阿姐用左倍多的時間做小briefing, 仲問我地有冇聽過新加坡人難serve....你係新加坡人, 唔通我話係咩??? 我只係講"ok 啦" 老實講, 如果attitude 好, 同埋唔好立即同佢地say no, 基本上, 大部分新加坡都可以應付到的...

唯一好彩只係half loading, d 客一上機, 10 個有8 個都問我點解今日唔full, 呢個問題點解要問我呢? 我都唔知喎! 同埋呢一班航機編號, 我都係第一次做, 有咁既loading, 真係算係咁...  不過做野好唔上心, 除了累之外, 仲有好多野諗緊, 搞到自己好多時明明問左個客要乜野, 轉個頭好似失憶咁, 唔記得左... 同埋覺得自己今日做得慢左, 好hae 的感覺...呢個完全唔係平時的我呢! 只係感到雙腳好累, 個腦空白, 同埋好需要一張床.... 不過感覺上阿姐都幾緊張d 客, 搞到我事事都要小心d, 同埋真係有點壓力, 不過做落, 阿姐都ok 既....放心少少啦...

3 個幾小時就這樣子下完結...上到車, 又訓到隻豬咁...

其實除了累, 今日check 過下個月想上的一班機, 明明仲有好多位, 點知今日忽然幾爆下, 係我擔心呢樣野的時候, 你又帶俾我一個壞消息...

所有事同時間發生, 所有事都不在我控制之內...

令我不單止身體累, 精神上都好累...

原來這才是我真正的累..............