挑戰忍耐力 - 同事篇及飛機篇

2006.10.07

第203 次飛行

是時候講同事篇同飛機篇了...

話說今次我又與新同事工作了, 佢只係比家兒遲一班, 上次與家兒工作時, 我都覺得可以的, 但今次, 我到了忍無可忍的地步了....

我好記得做ground preparation 時, 佢做過d乜? 我完全冇印象, 只係見佢係咁行黎行去, 但又冇野做到出黎, 問我拎bar key 開cart, 點知開完, 個人又唔見左...到我做哂d 野, 我就見到佢問我有冇野做, 我話冇...(梗係冇啦! 我做哂麻!)

到做service, 我做preset, 個cart top 的drink 又係我set, 佢俾我的感覺係...好似連個a cart 係邊都唔知...佢見我set cart top, 佢又跟住做, it's ok, 點知佢擺錯左, 我做tray 的, 佢竟然將d drink 放哂係我個邊...由於去曼谷的飛行時間唔多, 我話: “ 唔再執啦! 一陣你要乜野drink, 我拎俾你...” 但後來我發覺, 我咁樣做, 反而搞到自己派tray 派得好慢...唉.......

孤菇都做過新人, 所以好明白新人的心情, 做得慢, 我可以接受...但我最接受唔到佢成日成look 木咁企係度, 唔做野, 又唔想有乜野可以做...我唔係話佢懶, 但佢 '唔識做' ...好似派完餐, 番到galley, 我相信佢做左咁多班機, 應該知道要去2 nd wine,又或者清下food cart 上面的垃圾, 但結果全部, 係全部...都係我執...呢個時候, 阿姐問我ok唔ok...我當然ok, 但唔知我係唔係個樣有d serious 呢? 阿姐成日問我ok 唔ok, 我已經成日有笑, 但我唔可能每一分一秒都係度笑, 尤其是係飛行時間咁短, 係galley執野, 唔通我要笑住黎執? 哈哈! 我寧願留番d 笑容俾乘客好過啦...後來阿姐同我講, 話佢好新, 叫我俾d 耐性...我話我真係ok, 因為我仲可以應付到...

之後曼谷到孟買個程, 阿姐係service 前做了個小briefing, 首先佢問: “ am I speaking too fast?' , 我地都話唔係, 之後佢解釋: ' if i m speaking too fast, pls let me know, cuz i don't want some1 who always say yes to me, but still doing sth wrong...' 之後佢就對住我partner 講: ' xxxxxx, i saw in the 1 st sector, 孤菇 is the one who do all the things for u, and u are so quiet, so pls speak up if u don't know what to do, and pls watch 孤菇 always...' 之後佢再同番我地4 個講: ' i would like to see everyone WORKING in my galley, not only standing here and doing nth! I really don't want to see one person doing all 4 pple's workload!!!' briefing 完後, 隔離aisle 的同事m 望住我, 打了個眼色, 唉, 阿姐開個咁既 briefing, 好似幫我講緊野...anyway, 都好多謝阿姐...
但到第2 個service, 我發覺我的partner 完全冇改善, 好似仲衰過第一個service...依然乜都係我去執...為左佢, 我完全犧牲左做duty free 的時間...冇得行一轉duty free, 只可以做手上有同事pass 俾我的order...仲要係老總做descent announcement 時, 我先開始賣duty free, 係 15 分鐘內做哂手頭上n 個order, 仲要有 pre flight order, 有 voucher, 又要搵錢找俾客...又有人complain 點解冇某某items, 仲要d order 差唔多全部係商務的客人...完全係好忙..忙到landing, 我仲係度喘氣...到第2程機, 又係一樣咁rush...
其實孤菇睇得出佢身材好瘦, 好似好柔弱咁, 但講真, 做crew, 好多重野要做...孤菇最頂佢唔順, 就係佢係咁扮柔弱, 我同某同事都發覺, 佢唔鍾意自己關overhead locker...搞到要位男同事係隔離aisle 行過黎幫佢關哂...我o岩o岩係商務客艙番黎, 見到呢個情況, 幫我partner 同男同事講句唔好意思...唉.......眼見自己咁rush, 佢就咁悠, 我真係火都黎........
仲有, 我發覺, 無論阿姐同佢講d乜野, 又或者我同佢講d 乜野, 佢都話yesyes, okok, 但事後, 我地發覺佢做既野, 完全係同我地講既野有出入...死未? 至於情況係點? 下篇再講...
飛機篇就冇乜特別, 主要有3 樣...
孤菇企係個腳踏打算關overhead locker 時, 踏爛左...哈哈! 搞到個engineer要上黎整, 原來裡面的螺絲鬆左...趺到我傷痕累累..
差唔多起飛時, 收到消息話door 4 有個門, 如果掂一掂個handle, 成個機門就會開...所以成日都要有個人企係那個門口睇住...唔好俾客人掂到...唉, 個度咁o岩就係我地prepare service的地方, 搞到我拎個a cart 出黎都要小心d, 唔好掂到門...
話說d 印度人, 開左個overhead locker 拎完野之後, 關唔番, 又搵我黎搞...後來我都搞唔掂, 又要男同事幫手, 好彩佢搵到問題所在, 解決左...唔係都唔知點算........

混亂完一輪, 發覺chicken rice 已經冇哂, 只係得番 indian veg 係度, 仲要好難食...只好捱餓去到酒店, 去酒店途中, 我唔想同任何人講野, 只想靜靜地聽mp3, 消化一下我的好partner 新同事...我心諗, 而家已經咁辛苦, 明天班shuttle 點算?

除了犧牲了duty free, 我仲犧牲左對絲襪, 同埋唔見左個can opener....

最開心睇怕係去左酒店與同事dinner 的時候....