失望於聖陶沙

2006.10.22

本來打算今日早起自己一個出去行下既, 點知起身的時候已經 11 點幾...約了同事1 點出發...所以唯有醫下個肚先...今日又係雞的世界, 但唔係海南雞...係鼓油雞 + 燉奶 + 港式奶茶.... 點知食食下的時候, 由於d 奶茶唔係用杯裝, 而係用袋裝, 我唔小心倒瀉左d 奶茶... 差d, 真係差d, 就搞到我成部laptop 濕哂...倒瀉個一刻, 我第一反應就係拎起部laptop....最後成張桌子, 同埋d 電線濕左, 抹到我死...亦因為咁, 我只好打電話向同事c 說要遲半個鐘出發.........

同事c 同我坐MRT 去到harbourfront, 起初我想坐cable car, 但同事c話貴, (因為成$ 10 坡紙) 加上我諗諗下, 以而家的天氣坐cable car, 的確冇乜野好睇, 最後坐一蚊巴士...

入到聖陶沙, 第一時間就梗係要睇下魚尾獅 the merlion 啦! 不過呢...親身睇完之後, 覺得好失望, 都唔靚既....得個大字................

順帶一提, 除了入聖陶沙的admission fee 外, 每入一個景點, especially imbiah lookout 個d, 都要逐樣收錢....所以我地全部都係出面行下就算...我心諗, 佢逐樣收, 都幾化算........

同事c 話一定要去palawan beach..因為佢朋友影左相, 佢覺得好靚, 所以去左....點知去到之後, 係我第2 個失望, 我睇唔到邊度係靚.....可能係天的問題掛....覺得不外如是....同事c 都大失所望....不過黎到, 點都要影番張相既.......

後來, 我地發覺影下面d 公仔仲開心過影個海灘...

大家覺唔覺得個小朋友的動作有d 似個公仔?

呢個女公仔...的動作.... 孤菇最鍾意係你!!!

最後我地買完手信, 就離開呢個地方, 走的時候, 勁多人, 不過好彩都幾多車, 所以又唔係等好耐先出番去 harbourfront...
臨走前, 都要影一影既.... 聖陶沙, 我一點都唔愛你, 等下次個天好d, 我先黎啦....

一場黎到harbourfront, 去左個mall 行....冇意中俾我睇中左下面的物件, 諗左好耐好耐,諗得耐係因為我覺得都幾貴下.........但我又好鍾意喎.... 所以結果都係買左.....

下面就係這5 日旅程的手信啦....

5 日的旅程就這樣子進入尾聲了....明天孤菇將會係一個空氣勁唔好的城市, operate 一班overbook的機, 番去另一個又係空氣勁唔好的城市 - 我的家: 香港......

p.s 今晚我知道你是特意找我, 因為你知道我因為你而有點不開心...不過當我知道你也盡了力, 我也沒有什麼說話可以說...我唔開心, 係因為我不喜歡所有事要到最後一刻先confirm, 我更加不喜歡好趕去做每一件事...不過我都知你唔想既, 算啦, 當今晚我知道你又為我做了一些事來彌補, 我已經嬲唔落啦....

明天就會知道結果, 真係慘, 呢個結果竟然唔可以由你或者我去決定...