Upgrade

2006.10.04

第 201 次飛行

今朝早了15 分鐘與同事集合, 作最後的shopping...不過我已經冇野可以買, 因為我既行李已經好爆, 再買, 我都唔知點拎上機.....

上了機, 大家遇到第一個大問題, 就是chiller (雪櫃)壞了, 除了對我地做service 有影響外, 我地買左的yogurt, 飲料, sushi 都唔知點算!  搞左一大輪, 有一邊chiller 總算冇事...我地5 位同事夾手夾腳空出一個foodcart 雪凍自己的食物, 哈哈!

第一程half loading, 生意又係麻麻, 於是我又幫手做service, 打算與其中一位同事做service, 點知阿姐叫我唔好做, 又係話我做左好多野, 最後我地傾左一大輪, 阿姐叫我今日做下阿姐, 做下repenlish (補給), 由於老總要求, 我地這一程就用公司剛剛試用的方法去派餐, 我地一向都係galley 放好哂一個個maincourse 係tray 係上面, 先出cabin 派餐的, 但而家試用的方法就係將最多16 個main course 放係一個drawer 內, 再將個drawer 放入個foodcart 內, 到出cabin 先再將個main course 放入個tray 上面, 派給客人, 目的就係為免我地成日派餐而彎低腰部, 不過本人認為新的方法一樣都要彎咁多次腰...另外, 會搞到個service 更加亂同複雜...因為每次只可以拎16 個main course,試想想, 好彩今日唔係full load,如果full load, 經濟客艙有成 255 位客人, 每次只可拎 16 個main course, 咁我地n 年都未做得哂個service... 而好彩今日個個都有得去 2 man cart, 一個去tray, 一個去 drink, 加上有阿姐同我一人repenlish (補給) 一邊的同事...成個service 先會順利進行咋! 如果full load, 加埋人手o岩o岩夠, 呢個service 一定去到landing 都未做完...........

做哂成個service, 我地發覺冇乜main course 俾我地自己食, 唉, 呢d 情況成日都發生, 好彩我自己昨晚買定左d 飯團俾自己, 唔係我又會餓死客機...

終於到了最後一程, 原本唔full 既, 但唔知係唔係另一班機有事定係點, 最後的消息是full load!  同事說, 佢地就辛苦, 但對於我黎講就好, 因為將會有好多order, 果然如佢地所講, 好多order, 不過又有人俾100 蚊美金我啦! 救命!

最後一程full load, ground staff 又冇留到 70 H 的座位俾我, 又係搞左一輪後, 我終於俾個ground staff upgrade 左去坐商務的座位, 仲要有成幾個位俾我揀...哈哈! 我就梗係揀最遠離老總的 19 A 位啦! 我訓左都冇人知麻...hehe!  雖然係upgrade 左, 但就有點唔方便, 因為臨降落的時候, 我又要lock and seal 番自己的duty free cart, 又要print d 文件, 最慘係有d 客由上機睇本duty free 書睇到降落先至order, 激到我呢... 不過最後我都趕得切搞掂...連我同事都話我好野, 完全唔駛其他同事幫忙都搞得掂, 真快手... 梗係要快手d 啦! 唔係邊有錢賺...呵呵!

終於番到香港啦! 不過今次降落的時候我冇訓, 因為好少可有得從飛機望到香港的景色....

上到巴士, 孤菇立即拎個三文魚子飯團出黎食...那一刻, 發覺成個人都散哂, 訓到差d 唔記得落車....