小孤菇長空中往返: 70 H

2006.10.03

第 201 次飛行

今日孤菇要去的地方就係日本的大阪, 不過中途我要經一經台北...

而今次我有special duty 架! 就係專門負責在機上賣duty free, 而唔駛點做service...似乎是一個幾好的position 呢!

今日有位同事port sick, 但出奇地公司今次冇pull out 我, 反而仲俾多位同事叫做 flexi crew, 加埋我, 今次呢班機我地整班同事的數目比平時多了兩個人, 多好呢!

真係估唔到今日公司咁好死....

briefing 的時候, 老總代表公司派 60 周年的禮物俾我地...第一個就叫我的名字, 老實講, 感覺怪怪地....其實一早就收到風公司會送什麼給我地, 但都幾好奇想知個款係點, 今天終於知道了...

正面, 黑色部分是各員工的名字...

背面

側面

呢班機有成4 個sector, 今日做兩個, 明天又做兩個sector, 除了第一程full之外，其他3 程都只係half loading...

一上到機, 第一個孤菇遇到的問題就係冇位坐, 點解?

因為全機只有12 個同事的座位...而今日則有 13 位機艙服務員...搞了一大輪, ground staff blocked 左70 H 俾我坐, 即係做野我照做, 但起飛同降落, 我就要坐乘客的座位...這個情況, 也是第一次發生...(起初仲等我諗住自己會坐係駕駛艙呢! 真的有點失望...哈哈!)

第一程去台北. d order 係咁飛埋黎, 對於我成日做開duty free 的人來說, 都不是太難, 但難就難在乘客們時時都要我找錢, 如果找 yen, 港紙, 我都勉強可以, 但他們給我成 100 蚊美金, 叫我點找???? 早知係咁, 我就帶d 美金上機啦! 叫佢地簽卡, 佢地話佢地冇卡, 吹帳, 某程度, 我開始想放棄唔做佢地生意...但又好似唔係太好, 最後你望下我, 我又望下你, 我做左樣幾蝕底的事...不過唔緊要啦! 最緊要佢地買得開心者..

好不容易, 第一程總算順利過度了..

到了第2 程, 只有half loading, 同埋而家d 日本人好少買野, 所以生意好差, 不過冇乜野賣, 自然要幫下同事做下service 啦!

始終成日都慣左做完service 先賣 bar, 所以公司俾個special duty 我, 我真係有點唔慣, 當我想與同事出cart 做service 的時候, 阿姐話因為我已經幫左佢地好多, 所以唔洗我去做service...仲叫我企係galley 嘆下就可以...唔係掛? 冇野做, 真係周身都唔自在!

最後我去左中間的galley 幫一位還是很新的日本同事做service...

做完service, 突然聽到有位阿姐大叫我地一班同事, 仲以為有d乜野事發生, 原來佢發現係我地飛機下面的不遠處, 有另一架貴公司的飛機正在飛行, 在3 萬尺高空, 第一次那麼近見到另一架貴公司的飛機咋! 大家立即拎哂d 相機出黎係咁影影影, 可惜等我地拎左部相機出黎的時候, 架飛機開始遠離我地了, 所以我只影到小小的飛機....大家看到嗎?

由於要賣duty free 既關係, 我全機的範圍都走過了, 次次行到中間的galley 時, 阿姐次次都捉住我傾一陣計...我都唔明點解會咁, 可能佢記得佢未升的時候同我飛過...佢仲話要check 番係邊班機同我飛過呢! ai ya! 唔駛check 啦! 哈哈! check 完都冇用...呵呵! 唔怪得我覺得佢熟口熟面, 但又覺得有d 野唔妥啦! 原來佢升左...哈哈! 條裙一換左第二隻色, 我立即認唔出...

雖然班機唔係太辛苦, 但我身體就好辛苦啦....因為昨日燒完野食, 雙肩曬傷了, 但我要到今日番工的時候先開始覺得痛...每一次關overhead locker 的時候, 每一次件blouse 掂到雙肩的時候, 真係想大叫"好痛" !