迷失於曼谷機場

2006.10.15

第 204 次飛行

之前一直都擔心, 兩程機都咁light loading, 公司會唔會cancel flight 的, 好彩最後都冇....

第一程我60 幾個客人, 做完成個service, 仲有成兩個鐘頭先到新加坡...加上我今日成4 點幾就起身化妝番工, d 客又一食完野就訓哂覺, 搞到我地冇野做到差d 訓左.... 於是我地一班女空服, 係咁搵topic 黎講, 不過其實講黎講去到係工作方面, 例如你對鞋係邊一隻brand 架? 好唔好著呀? 又或者傾下而家的pattern 變成點...等等...再唔係, 就傾下大家去到曼谷做乜野好...當佢地約埋我出街的時候, 我話我有朋友係個邊, 佢地都好訝異, 之後又問我左連串的問題...係thai? 定係香港人? 佢係個邊住? 定係做野? 係個邊識人真係好...等等...由於今日light loading, 所以好多公司的職員坐我地班機回家, 而有d 職員走黎同d男空服傾計, 造成女空服有佢地的世界, 男空服又有佢地的世界.. 就係咁, 我地終於捱到去新加坡....

第2 程多了些客人, 但都係得百四個客, 一班空服又好開心啦! 梗係啦! 平時呢一程, 如果係 full load, 好多時都做唔切...但唔知點解, 係呢一程, 我反而忙過上一程囉! 本來諗住完左個service, 慢慢享受杯雪糕, 點知前面商務阿姐打電話黎問我前面 15 c客人的order 搞掂未...但孤菇成程機都冇收過這樣的order, 後來原來又係有同事唔記得交俾我, 唔知點解, 呢排成日都有咁既事發生係我身上, 搞到明明好得閒的我, 係landing 前忙到七彩, 因為佢都買幾多野, 不過算啦! 見佢買咁多...以今日咁light loading, 生意算係唔錯啊! 呵呵!  亦因為呢個order, 搞到我冇得食雪糕, 因為我想食的時候, 所有雪糕已經唔知俾邊位阿姐拎走哂啦!

雖然係light loading, 但我個zone 有位印度人都幾麻煩下, 首先佢一次過要飲好多beer, 當佢第一次問我要 beer 的時候, 我已經發現佢張table 上面有3 罐beer 了, 仲要有一罐只係o岩o岩先開始飲, 於是我唔可以俾佢住, 要等佢飲埋個罐先得! 我最怕客人飲醉........ 之後同事同我講, 佢明明自己已經食左個indian veg, 點知我地做normal service 時, 佢竟然要多個main course...仲係話要 indian chicken...好搞笑囉! normal chicken 佢唔要, 死都要話要 indian chicken, 唔通佢想我地係india 捉隻雞俾佢食...? 事後阿哥有d 嬲, 因為呢位印度人成日博曚想要多個main course...同埋明明已經拎左一份playing card, 仲想要多兩份...佢太貪心的原故,所有同事開始都唔多理佢, 最後佢竟然話要 complain 我地...唉..........

曼谷新機場開左之後, 第一次黎到, 比我想像中差了點, 一行出個gate, 發覺天花板仲有d 地方係未上顏色, 仲要我地行左成15 分鐘先去到immigration, 仲要我地好多人都係第一次黎, 唔知邊度係crew channel, 好彩其中一位同事o岩o岩先黎完, 帶番我地去一條正確的路....之後行出機場時, 個大堂好細, 人又多, 個個堆哂係出口, 搞到我地要攝手攝腳先出到機場, 出到機場, 又要搵crew bus...好彩唔係好難搵, 因為大大個hotel name 寫左係crew bus 出面...上到機, 散哂.......

之後我地仲要坐成個鐘先會到酒店, 忽然間覺得自己好似番左香港咁... 於是我要趁這一小時睡一睡....

孤菇始終覺得暫時冇一個機場可以同香港國際機場比較....