辛苦

2006.10.18

第 205 次飛行

今日係辛苦的一天....

首先唔係好夠訓, 平時我訓好少都ok 的, 但唔知今日, 勁唔掂...好彩第一程唔full, 我個zone d 客又幾好...我partner 就慘d, 佢個zone 好多人都麻煩...

到左第2程, 差唔多爆咁濟, 由於呢班機係同美國航空公司的聯號班機, 所以好多美國人, 又有好多香港團, 搞到我以為自己做緊LA 機...哈哈...我partner 係咁話佢個zone 的香港人好煩, 我相信有d 都幾煩既, 不過我覺得我個zone 個d 香港人幾好喎! 可能我要求低啦! 哈哈! 其實我有時覺得香港人都唔錯架! 都幾識做, 見我冇乜choice 剩, 都肯take 另一個, 同埋起碼我同佢地解釋的時候, 佢地明白我的苦處先啦! 比起d mainland chinese 好好多架啦!  最緊要既係, 我覺得同香港人溝通都易d.. 不過以我的經驗, 我覺得比較麻煩的香港人好多時都係比較後生個一輩..老個一輩反而幾好...點都好啦, 大大部分香港人都ok ...另外仲有好多美國人, 飲得好勁, 於是我見有一罐就俾哂成罐佢....

不過我個zone 有位小朋友, 孤菇對佢印象唔好, 因為我做做下service, 佢成杯可樂倒瀉左係我腳上, 個一刻, 真係好鬼嬲, 仲想鬧佢添!  不過立即又要控制自己唔好嬲, 立即搵blankets 同毛巾清潔...之後呢位小朋友就開始一而再再而三咁煩住我....係未起飛前, 我問左佢n 次要唔要blankets, 俾埋佢, 佢都唔要, 點知就係我最忙的時候要blankets...之後...仲有好多好多要求, 真係呢, 咁小的小朋友就已經係咁, 大個會點呢?

仲有一件事唔係太開心就係, 當我做collection 的時候, 我蹲低完, 起身的時候, 見到大大部電話的鏡頭係我面前, "chop" 的一聲, 我就俾客人影左相...當時, 我真係唔知俾d乜野反應好, 唔處好惡死咁叫佢delete 番張相咩????

anyway, 孤菇一唔做野就好累, 好眼訓, 但一見到咁多客人, 我同自己講: 頂住呀!!!! 最後我都頂得住, 但降落的時候, 我幾乎訓著左...

終於番左香港, 阿姐明天catch flight 番日本, partner 就有day off, 我呢? 要飛5 日pattern 的機...好慘...同事們睇完我roster, 都話我今日應該port 左去, 但我最後都成功完成這班機...不過我發覺自己開始有點唔舒服, 立即叫妹妹幫我配d 藥, 等我去到外國都用得著, 唔駛好似那次溫哥華咁慘...

忽然覺得飛左咁多班機, 成個10 月都未過....

回到家, 收到媽媽的message, 早就估到佢會咁講, 睇完, 我冇話唔開心既, 不過好苦惱囉! 唉...好煩, 又要煩媽媽個邊, 又要煩另一半個邊, 又要煩上唔上到機...仲有好多野都未定好...千千萬萬個問題, 諗諗下, 又想喊...唉....明天飛去第2度, 又是自己靜靜地想一想的好時候..

問心個句, 真係好想你落黎新加坡...不過...都係算啦...我都知你盡了力...

我要時時記住, 沒有希望, 就唔會失望...