乘客失蹤事件簿

2006.10.23

第 206 次飛行

回程 - full load, 睇怕5 日的行程, 最辛苦都係呢一程啦! 聽阿姐講, o岩o岩呢排馬來西亞放假, 所以多左人travel, 點都好, full load 係鐵一般的事實...

上客時, 首先係一團日藉的樂團...佢地已經佔左我個zone 的一半位置, 一人一個小提琴, 中提琴咁上機, 日本人一向秩序都好好, 所以都唔係好混亂... 我的partner 仲笑我後面成個zone 變左全日空...哈哈!  忽然覺得自己都幾好彩, 做日本客真係舒服過做星人多多聲... 之後就係一個一個4-6 口的家庭..., 佢地就比較混亂, 混亂到起初我以為佢地係旅行團添! 就係咁, 呢兩group 人已經坐哂我成個zone 的位置....熱鬧非常...

d 客上得好快, 仲諗住可以快d 起飛啦...點知到做pre take off check 時, 阿姐a發現我個zone 某個位 (58k) 的位置係冇人坐...立即好緊張, 因為我地收到資料, 今日係 full load, 即係 267 位客人 + 兩個 infant (infant 係唔需要座位的)....但而家多了一個空位, 咁那位客人去左邊呢?  由於那個空位係我個zone, 我立即行哂成個機艙黎下有冇d 小朋友明明係要occopy 一個座位既, 但又俾父母抱住...但始終都找不到, 仲俾我發現多一樣野, 就係連 32 k 都係冇人位既...唔係掛, 兩個人唔見左?????  我立即同阿姐a 講...同埋打電話同老總講...亦因為咁, 我地起唔到飛...因為我地要搵番呢兩位客人出黎...check 過washroom, 一個人都冇, 過了一會兒, 老總check 番個record, 原來最後的loading 係 266+2 infant...咁即係全機只得一個空位, 但而家有成兩個喎! 之後老總就跟左個sitting chart,做 announcement page 番d 客人出黎...可惜, 因為佢地好多都係一group group, 所以調哂位, 仲點搵番 58 k 的客人出來呢?  找了幾位客人出黎, 都得不到什麼結果...最後, 過多5-10 分鐘, 我地有新發現, 就係對面的aisle的座位, 俾我地發現點解有個媽媽抱了在機上的第3 個infant.... 原來呢個媽媽幫左個infant 買左個位, 但因為infant 細過兩歲, 所以安全理由, 一定要係大人的懷裡抱住起飛....ground staff 只係報告番賣位的情況俾我地聽, 所以我地收到的資料係 266 位客人 + 2 個infant 係冇錯既, 只係人地真係買左個位俾bb者 (即係第3 個infant 係當normal passenger 咁計, 而唔係當infant 咁計), 亦係咁...事件告一段落...

其實這些事件都唔係第一次發生, 試過好耐之前, 有班由紐約經溫哥華番香港的機上, full load, 差唔多起飛時, 竟然有位客人找不到自己的位置....我又行哂整個機艙, 真係一個位置都找不到, 加上好多客又調哂位, 所以真係好難搵... 唯一我估到既可能性係有d 客人明明冇幫bb 買位, 但又霸左人地個位囉! 但這班機一向bb 係好多好多, 所以我要係短時間內逐個bb check 佢地的登機證...最後終於俾我搵到, 而那個媽媽就俾我教育了一輪... 雖然都係傍惶, 但那位沒有座位的客人都幾搞笑, 我係咁同佢搵個位坐, 佢竟然叫我可以唔駛搵, 佢仲話佢企係度起飛都得...那一刻我真係唔識笑囉! 但今日同阿姐講番呢單陳年舊事, 真係忍唔住笑左出黎.... 亦因為那件事件, 令我識多一樣training 學不到的東西...

就係不斷忙碌做service 的情況下, 終於番到香港啦! 呢 5 日真係好漫長啊!!!!