迷失於Delft

2006.10.29

到左酒店, 已經差唔多早上9 點, 起初諗住訓一陣就出去, 點知一開電腦, 四方八面的朋友又黎...終於傾傾下, 又傾左幾個鐘...最開心都係知道你可以當日與我同機番香港....忽然俾個驚喜, 開心死孤菇啦!  

訓左個幾鐘, 下午兩時出發!

其實對上一次黎荷蘭, 已經係上年的4 月, 上次去左睇花同埋去了delft 這個town, 因為孤菇覺得delft 呢個地方好靚, 好舒服, 所以我今日一定要去多次!

坐1 號tram...

坐左大約 30 分鐘, 就會到delft... 一落車, 就係呢度...

今日的天色並唔係太好, 灰灰暗暗咁...

delft 有好多呢d 小河....(其實荷蘭度度都係咁上下...哈哈)

呢張, 影極都係咁, 放棄....

感覺係唔係好舒服呢? 就係我影緊相的時候, 個天下起毛毛雨...

下面兩張唔記得係乜野黎啦...

church....落完雨個天好左少少..

另一間church...

Delft in Autumn...

market 的範圍...

由於今日係星期日, 所有除左souvenirs shop 同restaurants 外, 其他都係唔開既...

開始入黑啦.....當時 5 點都未有..........

買完souvemirs, 打算行去tram station 坐車番酒店, 點知我迷失左方向....

因為呢度周圍的屋都係差唔多款, 一向認路好好的孤菇, 今次真係被考起...

行極都搵唔到出路...上面兩張, 同埋下面的風景相都係我迷失的時候影既....

真係死...條條河都差唔多款...

又一條河....依然都未搵到出路...

我行行下, 發覺自己番番去church 個度...原來自己係度兜左個圈...行左好多冤枉路..

最後, 孤菇係出左delft, 但就搵唔到個站, 終於搵到人問路, 發覺自己已經由一個站行左去第2 個站啦! 搵番個站, 就識路番酒店啦!  番到去, 都差唔多成6 點了...天都黑哂.......
下面就係今日的戰利品...例牌有postcard, 左下方的manget(行左好多間, 係得某一間有個隻款咋!) 同埋郵票....另外, 我仲買左個key chain 俾我助養的小朋友... (唔記得左影埋...)

不過就有d 唔開心事, 我買 souvenirs 時, 個sales 找左個turkey 的1 蚊俾我....其實我拎上手已經覺得怪怪地, 個1 蚊好似euro 既兩蚊, 大小都差唔多..起初我仲以為係唔係euro 呢排出左新貨幣, 所以冇為意, 到左今晚去買野時, 我俾呢個自己以為"兩蚊" 俾人, 那人話我知那個coin 唔係 euro...我先再細心一睇, 原來係 turkey 1 蚊一大個...

雖然係蝕左, 不過算啦, 我可能有生之年都去唔到土耳其, 就當留念啦!