太仁慈

2006.10.08

第 203 次飛行

終於到做shuttle 啦! shuttle 即係 bom - dxb - bom (bom 即係孟買, dxb 即係杜拜), 其實loading 是ok 的, 去個程只有二百幾個客, 番黎得百幾個客, 但我都唔明點解仲咁辛苦, 除了因為半夜要飛外, 最大可能係我又一個人做兩個人野...

阿姐一早講左話第一個service, 所有飽都要去後面的galley 拎, 中間的galley 就只係得main course...到我地preset 啦, 成個cart top 又係自己set 哂, 佢呢? 又一碌木企係度..sorry, 這次我出了聲, 我叫佢幫我地拎飽飽, 點知佢係咁o係我地中間的galley 搵, 我忍唔住講: " 阿姐頭先話d 飽係哂後面galley, 呢度只係得main course..." 於是佢就曉去後面galley 拎飽...

名副其實, shuttle 係最辛苦的一程, d 印度人係好飲得, 一人幾罐beer...今次我做drink, 因為唔見左個can opener, d 罐開到我想死...搞到d 手指好痛...又驚好似昨日咁, 做到崩甲 ( 昨日孤菇已經崩左兩隻指甲)...今日就更痛...唉....除了beer, 佢好喪飲 whisky, cognac, 講開cognac, 我又俾我partner 激死...有客要cognac, 咁o岩我partner 要番galley 拎野, 咁我打算麻煩佢幫我拎支cognac 出黎, 點知呆呆咁望住我...死啦...佢梗係唔知cognac 係乜黎, 於是我話唔緊要, 我自己入去拎, 可能我個表情好難睇, 佢就忽然話佢知....最後佢番galley 拎, 事後galley 內的同事同我講番, 我partner 係入到galley, 問cognac 係乜, 放左係邊...唉, 既然你唔知, 你唔好話俾我聽知啦! 好冇???

派完餐, 我地去wine, 點知我一路去wine, d 客一路問我拎其他drink, 成n個order (我好肯定多過20 個drink order!) 我邊記得哂?!  最後我決定全部都唔俾drink 住, 因為當時差唔多做collection, 我將成個a cart 內的drink 搬哂去個foodcart 上面, 包括 soda water, whisky, tonic water, beer, wine, coffee, tea, coke, water, juice...等等, 我寧願做collection 時逐個問, 好過漏左邊個drink order 唔記得左做...呢個方法果然有效...

只係得200 百客, 但唔知點解最後我只得番半個鐘做duty free, 雖然都rush, 但好過昨日了....
講番我partner, 同佢做左3 個sector, 都係冇改善, 仲要抵死到問我pvc 係邊, 唔通佢前面3 個sector 自己冇拎過pvc 出黎? 又唔怪得佢既, 個cart top 次次都係我set, 佢邊知...
話說transit 時, 我partner 係某座位執到件life jacket, 佢走去阿男同事講佢執到件life jacket, 點算???? 其實呢單野係事後男同事係坐車去酒店途中同我講既...男同事問我會點做, 我話梗係將件life jacket 放番去那個位子下面個pouch 啦! 男同事就話: "米係囉! 拎俾我做咩呀? 佢真係好唔醒目..." 大家笑左一輪...
之前我講過, 我partner 成日乜都話知, yesyes 同okok, 但事實佢乜都唔知...好似去到dxb 係所有cart 都offload, 阿姐之前都講過千祈唔好 repenlish d drink cart, 因為會offload, 點知....我呢位好partner, 竟然問: " 而家我地係唔係repenlish 哂d drink cart 呀?" 成個galley 立即.....靜哂.........
又好似我同佢講過個b cart (即係wine cart) 係某某cart 的後面, 我仲要講左n 次, 每一次我講完, 我都會問佢明唔明,佢都話okok, yesyes, 點知...做service 時, 佢竟然話我知佢搵極都搵唔到個wine cart...唉!
到dxb 番bom 個程, 阿姐講左兩樣野, 一就係由於得百幾個客, 所以所有main course, 所有cart setting 都會係後面的galley 做, 而中間的galley 會close 左去...二就係因為中間的galley close, 所以所有cart 的drink 都唔好開...留番俾下set crew 做餘下的service 用...每一次我地要drink, 全部番後面galley 拎... 點知起飛後, 所有crew 都去哂後面galley, 除左我partner, 起初我以為佢幫緊其他野, 所以我冇出聲, 點知我preset 完main course, set 哂 cart top, 都仲未見到佢, 於是我開始大聲問: " where is xxxxx? did anyone see her?" 全世界呢個時候先發覺唔見左佢... 阿姐望下我, 我又望下阿姐...無奈的微笑... 過了一陣, 佢終於黎左後面galley 問我拎 bar key去開中間galley 的cart, 我立即提醒佢: " 阿姐頭先先講完唔好開中間galley 的cart 呀!" 呢個情景, 阿姐又睇到了...我partner又話: ' ai ya! 我都唔知你地係哂度添! 我覺得奇怪, 點解中間的galley 冇哂人, 我周圍搵你地呀!" 佢講完, 又係冇人出聲, 大家都知發生乜野事啦! 一早講左乜都係度整...佢都有份聽架喎! 個個都聽得明, 得佢一個聽唔明, 究竟邊個出問題? 大家都心知討明...最後我partner 最開心啦, 我乜都同佢set, 佢只係做service 就ok...唉..我都想有咁"so".
當我做緊collection 時, 前面有商務同事黎幫手, 佢地問我點, 我話: "你話呢?", 同事話: " 好明顯睇到你做緊 one man cart" 其實佢呢句有意思架! 因為我同我partner 明明去緊2 man, 咁同事話睇到我去one man, 相信聰明的你知同事想講乜啦!
收完野, 阿姐忽然入黎後面galley, 大聲咁講: "with exception of 孤菇, xxxxxx, go and repenlish the a cart! So 孤菇, u don't need to work now, u can do whatever u like now!" 眾同事立即同我打哂眼色, 笑爆.... 阿姐幫到我出面, 真係有點飄飄然..
可能我俾我partner 搞到好唔開心, 有時推cart, 我真係唔多望佢, 試過有次唔小心整到佢, 落左機, 佢竟然走黎同我講: "你知唔知你頭先推cart 成日整到我? 有3 次差d 鏟到我呀!" 你真係勁, 原來有3 次, 我自己都唔覺....我以為只係得一次...但你駛唔駛咁mean 當住面咁同我講....我唔通要同你講: "係呀! 因為我好唔鍾意你" 咩?
終於到番孟買, 同事都同我密密傾, 我話其實我唔係第一次俾新人咁對待, 呢個已經唔知第n 個了, 同事都話雖然我個樣幾惡, 但做落就知好恰...仲叫我唔好對佢地咁仁慈, 唔好覺得佢地唔識做, 就幫佢地做哂, 我更加應該要叫佢地做野, 否則佢地永遠都唔會識...
聽完男同事一番話後, 睇黎孤菇唔可以再咁仁慈了..........已經4 個sector, 都做哂兩個人的工作...仲要有duty free 做....我累到死..

最後我好多謝曾經關心過我同埋問我駛唔駛轉position 的兩位senior 同事, 雖然我真係有點想轉position, 但我唔想做到咁明顯, 仲有兩個sector, 希望我捱到...

可惜, 最後兩程都係full load, 我真的有點稀虛....