有驚無險曼谷夜

2006.10.15

由認識你的第一刻起, 你時時都為我帶來驚喜...

上次你帶了我去海邊的餐廳dinner, 今次想不到你又一早安排了節目... (事前我什麼都不知道, 因為就算我問他, 他一定不會說, 要神秘喎.....)

孤菇4點幾先番到房, 而因為交通問題, 你成差唔多5 點先到, 仲要話我知今次實遲到, 因為我地要係5 點45 分上架小郵輪dinner...孤菇知道後, 心情又開心, 又緊張啊!  由於時間太緊迫, 我地要坐的士去...點知hotel 出面冇的士, 搞到我地要走到出面的馬路先有的士呀! 走到我死..

我地去到chinatown 附近的碼頭落車, 當時係 5 點 35 分, 心諗趕得切啦! 點知我地一架郵輪都見唔到呀! 之後我地去了郵輪的office 問職員, 發覺個的士司機車錯左我地去郵輪office 的碼頭, 但就唔係郵輪的所在地呀! oh no!!!!  於是我地立即又坐的士去有郵輪的碼頭, 但去都要成半個鐘, 加上又塞車, 我見到你好心急..我只好安慰話去唔到唔緊要啦...點知呢個時候我先知你已經乜都book 哂, 唔怪得你話上唔到郵輪會殺左佢地啦...!  最後我叫你不如打電話, 叫架郵輪等多我地一陣得唔得囉! that's all we can do at that moment....

落左的士, 又係見唔到郵輪, 於是我地入左其中一間hotel 問職員, 跑左成10分鐘, 終於見到郵輪啦!  果然成船人都等緊我地....上到郵輪, 我地先識得笑....真係驚險......

上層冇冷氣, 熱到死, 所以我地都係留係下層食下野, 再上上層睇夜景啦! 去到船的前方, 你突然之間同我玩 " u jump i jump..." 嚇到孤菇死..... 我發覺曼谷都有美麗的一面, 不過如果多番d燈飾, 曼谷會更靚囉!

buffet 都幾多完化架!

快樂的時間真係過得好快, 7 點幾就要上岸, 由於距離下一個節目仲有兩個鐘, 所以我地漫無目的咁行...首先就要坐番的士去skytrain station...沿途, 我地經過central, 其實真係好想去行下, 但因為買左車票, 唔想哂左去, 所以就算佢話冇所謂, 買過張車票都ok, 我都係決定唔去, 留番下次啦...結果我地繼續上路... 冇得行, 都影下 central 啦...

之後要轉MTR....點知我地坐錯左方向, 搞到又要買過張車票坐番轉頭.... 呢個站, 我要認住你!

行行下, 我記起媽媽成日要我買"林真香" 喎! 於是我地就去左買...

行行下, 兩小時就咁過左, 第2 個節目就係睇人妖show 啦! 你說,如果唔係我話要去, 你一定唔會去, 起初我都唔明點解你會咁驚呢個show, 但當我去完之後, 我終於明白...
未講點解咁驚呢個show 前, 俾大家睇下佢地的容貌先啦!
呢位個樣算唔錯架啦!

呢個的重點就係d 花花囉!

呢位, 佢後面的東西係可以開關的...

係時候講下點解佢會咁驚d 人妖啦! 話說有好幾次, d 人妖都會落台捉d男人上去, 真係捉架! 首先佢地會用個胸壓佢地的目標, 然後就會捉佢上去, 男人要say no? 絕對唔可以呢! 不過佢地都識揀人既, 見到男人身邊有女仔係度, 佢地唔會搞那個男人, 所以唔怪得你死都唔肯坐出面, 要我坐...哈哈!
下面就係其中一個俾人妖捉左上去的男人啦! 大家睇唔睇到呀???

上到台做乜?  俾佢地任摸囉....

雖然我覺得都幾恐怖, 但我就狂笑囉! 而身邊的你, 已經驚到縮埋一舊...

其實之前仲有一個show, 係大妖捉左其中一個男人上台, 除衫架! 又係好恐怖, 我想像唔到身邊的你俾人捉左上去會點...
大家留意下上面張相最左手邊的肥人妖, 佢係全場我覺得最恐怖, 同埋我最怕的一位...點解?  因為佢好多時都落台捉男人上去, 我仲發覺有好幾次, 佢都向我個邊走埋黎...漸漸地, 我發覺身邊的你一早係佢的目標...到散場的時候, 我地係佢身邊擦過, 那位人妖竟然大膽想用手拉身邊的你!  嚇到孤菇死... 如果你真係俾位肥人妖捉到, 我一定爆粗...
散場後, 佢地會企係出面, 俾你地任影既...不過同佢地影要20 泰珠, 你問我點解唔影番張, 我其實都想影, 但我怕影影下, 阿肥人妖捉住你唔放咁點算?  同埋, 呢個時候, 我同你都不約而同睇到d 野, 板上面寫住: "影相的時候, 人妖可能會忽然捉住你的手去摸佢的胸部, 如果摸左, 要俾 100 泰珠..." 睇完呢句之後, 我地決定要立即坐的士離開...
俾多幾張你地睇啦...有d 人妖, 遠睇就唔錯, 但近睇就唔好啦....好似下面呢位...

下面呢兩位就真係幾靚...

靚既係左面那位, 唔係右面...

散場啦! 係度, 我勸唔想俾人妖搞的男士, 想睇呢d show, 最好帶個女仔去, 保護下你....

最後的節目, 就係要補左個追月夜, 孤菇今次帶左成5 個冰皮俾你食..分別係lychee, green tea, 同埋燕窩, 下午你已經食左個green tea, 今晚咁開心, 梗係要食最正的燕窩啦!

下面呢條花花手鏈, 係今日趕頭趕命的時候, 你已經想買俾我, 最後係街邊又俾我地見番, 問佢地可唔可以唔要那3朵紅花, 可能係拎黎拜神的問題, 佢地話唔得, 但你最後都買左...第2 日, 問左阿泰姐, 佢話真係拎黎拜神用, 但亦會送俾媽媽及...hehe.... 雖然好平, 但d花好香, 同埋最重要係你幫我戴上去個一刻....孤菇又以為自己發緊夢...
趁d 花仲新鮮, 影番張相留念..

雖然今日好累, 同埋好多事發生, 但都算有驚無險, 同埋最重要係開心麻!