累透了

2006.09.03

其實今次有classmates 茱迪同我飛, 我都唔記得左佢呢度有朋友添! 所以我只可以今日同佢出街咋! 雖然做完10 幾個鐘頭機已經好累, 但咁難得一齊飛, 點都要出下去啦!

我地1 點鐘去到酒店, 茱迪話45分鐘先搞掂出得去.. 咁好啦, 我等...點知等到差唔多成個鐘, 佢都未得, 後來原來佢間room 一卷toilet roll 都冇呀! 叫人拎, 又叫左成半個鐘都冇人拎上黎..haha! 結果我又要等多成半個鐘, 因為我怕再等佢我會訓著, 所以我結果都係上左網分散下自己, 亦都因為咁, 我終於搵到bobo 姐啦! 原來佢係crew room, 唔怪得打佢房度都搵唔到佢啦!  由於bobo姐o岩o岩先出完街番酒店, 於是就只係得我同茱迪出去, 我地再約好晚上7 點係番crew room 等.

我地係"車立" 見到老總, 真係好想扮睇唔到佢, 但又唔得, 之後佢問我地係唔係去target, 我話係, 但心想, 唔想同佢一齊行呀! 鬼叫你inflight 搞到我咁辛苦, 我唔同你一齊行! 哈哈!  所以一出"車立" , 我就同茱迪講去starbucks 買coffee 飲...提下神都好... 話說我問佢地有冇iced cappuccinno (其實我一向都知佢地冇, 但我次次都好鍾意問, 就係因為睇下佢地肯唔肯整一杯俾我...係香港的時候, 曾經有人真係整左俾我麻! ) 點知個店員真係有心整俾我喎! 不過, 佢d 同事話唔好喎! anyway, 最後我地成班都笑完一輪, 我就揀左另一杯都係最愛既 iced vanilla latte..

一出到去...嘩..又熱,又曬! 出煙啦!  

行左成半個鐘, 終於到左target,

 

茱迪同我約好左, 半個鐘後係番門口等, target 內的東西又真係幾平既..不過就睇唔o岩心水囉! 行左半個鐘, 我自己都未行哂, 但約好了要係門口等麻, 我只好係門口等啦, 點知等了 15 分鐘, 都未見茱迪...佢去左邊呀??!!! 一定睇到開心得濟唔記得時間啦!  由於係度等人, 又冇野做, 真係眼訓到我企係度都訓得著呀! 而店內的職員每一個行經過都問我有冇野幫到我...我話冇...只係等緊人咋! 結果俾人問左咁多次, 都係一邊行,一邊搵茱迪好過啦! 結果係小食部見到佢係度好開心咁揀緊野食...哈哈!  見佢揀得咁開心, 我又咁o岩見到另一邊係pharmacy, 就睇下有冇貴人想要的藥啦! 最後都俾我搵到, 但一想起那天的事, 把心一橫, 對人咁好做乜? 人地會珍惜嗎? 結果我狠心放下了, 去番小食部, 茱迪問我點解唔揀番d 小食, 見佢咁講, 是旦啦, 買番盒都好, 點知太多款啦! 揀極都揀唔到, 今次到茱迪等我啦! 佢行左成個鐘, 番黎搵我, 我仲揀緊, 其實今日我已經俾茱迪笑左好多次啦, 因為做第一個service 時, 佢問我去唔去target, 我話要諗諗先, 點知我諗到去到酒店, 都未諗好, 佢就笑我駛唔駛一樣咁簡單既野都諗咁耐呀! 之後仲笑我咁揀男人點算, 你真係衰呀! 唔應該講個句你都講埋... anyway, 最後我揀左3 盒, 買完就番酒店搵bobo 姐啦!
我地係crew room 傾左一陣, 就去左附近的i-hop dinner, 但其實我地既dinner, 係叫緊 breakfast 囉! 因為有omelette..點都好, 太餓啦! 仲記得, 自己既上一餐就係inflight 食囉!  

 

食到飽飽, 又係傾計的時間, 傾左好多今程機的苦事, 開心既都有既..哈哈! 講開我地呢程機的so, 我同茱迪你一句, 我一句咁批評, 冇法啦! 鬼叫佢咁唔得我同茱迪歡心咩?! 如果唔係茱迪講番佢之前d 衰野, 我都唔知佢係我見咁多個香港機師中, 最唔得的一個囉, 而我講佢d 乜, 佢個樣囉! (o拿...唔止我一個講佢架! 茱迪都有彈架!) 又咁o岩佢個女朋友又係我個partner 喎! 睇見都眼冤... 點解? 雖然我partner 唔算係靚女, 但以佢咁既質素, 可以揀個好d樣的機師囉! 加埋茱迪講埋那機師上次inflight 的事, 我更加覺得佢要不得呢!  不過算, 人地既事, 邊到我地理? 不過佢地都幾揚, 一有時間都痴埋一齊 (仲要今日係canteen 俾我撞到正..), 如果係我, 我一定唔會...
話說bobo姐今次間room 好大, 我地當然要去參觀一下啦!  果然好大呀! 不過都唔夠我個時係溫哥華個間咁大..哈哈!  同埋我唔鍾意要行一條走廊先入到房囉! 太冇安全感啦!  坐係間大房內, 我地又傾傾傾, 傾起某同學...唔知點解, 次次講親呢位同學, 我都笑足全程, 因為太古怪啦! 不過覺得佢都幾寂寞呢...之後講開感情, 又笑左好耐, 你地唔好再笑啦喎! 應該實際d, 搵個好男人介紹俾我麻! 哈哈!  講開感情, 就快又有些人有喜事呢! 再想想自己...唉! 唔知係唔係全班最細係我, 所以你地成日話我仲有大把時間, 但時間過得好快咋! 人老珠黃lu...  再講開番工, 佢地個個都成日swap day off 係星期六, 日, 又話我飛成 110 個鐘黎做乜, 等錢用? 其實只係因為我對愛情, 又或者對d 男人灰哂啦! 可能我唔好彩啦! 識親既, 一係"無里答殺", 一係"無理飛舵", 一係" 唔多講出自己的感受", 一係"太大男人" , 一係 "花心", 我只係打算儲多個錢, 第日搵唔到個男人, 都起碼有錢養到自己, 買間"姑婆屋"俾自己住下, 起碼唔會好似好多嫁唔出的女人咁變態者, 我都係個句, 除非我搵到個好愛的人, 否則我都會繼續係咁...

就係咁, 傾到成半夜, 發覺自己成24 個鐘冇訓啦, 是時候回房, 大覺訓.......