快速來回胡志明市

2006.09.19

第 198 次飛行

好耐未試過早上 4 點半起身了, 昨日因為病了, 幾乎睡了一整日, 所以就算今日早起, 我還是可以... 不過呢, 唔知點解, 出門口的時候, 忽然有想嘔的感覺...可能面青青, 媽媽都問我真係可以上班嗎? 最後, 我還是決定去飛!

一番到公司, 第一時間就係去拎roster 的hard copy了...點知....前所未有, 兩張紙的roster 呀!!!!  點解? 因為下個月太多sectors 了, 所以...一張紙都印唔哂...真係有點吃不消...

一上到機, 由於兩程都light loading, 所以好少food cart, 但chiller就長開，吹到我係個galley 周圍跳黎取暖, 我o岩o岩先好番少少, 又俾冷風吹, 我會死架!!!

今日呢程機都幾順利, 可能與light loading 都有點關係吧!  不過去個程, 有位小朋友唔肯扣安全帶(其實呢個情況成日都遇到...), 今日的情況係, 小朋友點樣都唔肯聽媽媽的話, 所以她媽媽就叫我同小朋友講, 因為佢媽媽話我講既話, 個小女孩一定會聽...於是呢個重任又係我度啦! 小朋友知我黎緊, 係咁走左去, 於是我就同佢係度玩捉迷藏咁, 最後佢梗係逃唔過我10 隻手指啦! 呵呵!  之後我當然要扮到好惡咁, 叫佢扣安全帶, 佢果然好聽我話喎! 真好!  見佢咁乖, 我就同佢玩...."give me ten"!

做完service, 有唔少越南人都係咁買煙, 有時我都唔明, 佢地買咁多煙黎做乜呢? 唔通真係平d???

番黎個程, 我試左個pork noodles, 點解?  因為我好想試下個sauce 係乜野黎囉! 個sauce 係"鮮紅色" 架! 我preset 的時候, 偷睇左, 第一印象俾我覺得係"血" 囉! haha!  最後我試左, 試完都唔知乜野sauce 黎, 都係普通野黎, 唔通佢地染色染到咁????  anyway, 味道就不過不失啦!

時間過得好快, 一個早上就這樣過了, 時間係過得快到, 我同阿姐將去個程同番黎個程的information 搞到亂哂! 好似係香港出發時, 55 H 係 wheelchair passenger, 點知我到番到香港, 依然都以為 55 H 係 wheelchair passenger 呀! 哈哈!  仲有好多好多野, 我地都將兩個sector 既野mix up 哂!  似乎我地兩個都開始眼訓了....

唔知點解, 番工時, 唔覺自己病緊! 反而放左工, 成個人都散哂, 覺得自己又病病地...起碼成身都覺得好熱好熱! 之後撥了個電話給你, 梗係啦! 今日同你classmates 飛喎! 梗係要打下小報告啦! (講笑) 其實都係俾個藉口自己打俾人..哈哈!  仲諗住你冇乜野講添, 點知今日你講得仲多過我.... 真係服左你, 做完班full load  bangkok, 對住班卡拉其客, 你仲可以講到咁興奮...勁!  同你傾完一輪後, 忽然領略到一d 野, 就係: " 人不可以貌相! "  如果唔係你講, 我真係估唔到呢!
你就開心啦, 黎緊去3 day seoul, 真係唔怪得你咁興奮, 不過我都唔錯, 明天出發去曼谷!
孤菇本來今晚想post n 年前去London 的相俾大家睇架...可惜, 我發覺我次次去英國個天都唔靚, 搞到好多相都因為個天而遜色了不少...好失望呀!!! 而家都唔知點post 上黎...嗚嗚嗚....

孤菇對眼睇d 野開始一個字化開兩個字啦! 是時候訓訓....