失魂記

2006.09.22

第 200 次飛行

今日又係light loading, 得百七位客人, 我覺得真係好好彩, 喉嚨唔舒服, 派入境紙時, 問佢地係去溫哥華定係紐約, 有d 人又係十問九唔應...我冇嬲, 不過我想同佢地講: " 你再唔答我, 我就會斷氣..."

jumbo 果然係快d, 我未試過只要10 小時就到vancouver! 不過快還快, 成程機氣流都好勁, 但老cap 又唔會著seat belt sign 架喎! 搞到我地係勁拋的情況下做 service...d氣流係勁到成包orange juice 係個cart 上面跌左落個客度, 好彩個包橙汁仲未開封, 同埋個客接得住者.... 由於氣流太勁, 我做drink 的時候, 成日都驚個cart "lum", 所以大部分時候都抓住個cart 唔放, 但卻因為個cart 成日搖黎搖去, 搞到自己界親隻手都唔知....

做service 的時候, 有點小困難, 就係我同我partner 都同前面的日本新菇出現左少少communication problem, 有時都唔知日本新菇聽唔明我地既英文, 定係佢真係唔想咁做, 我地架cart 一早乜都冇哂, 乜都要問前面拎, 但我partner問極日本菇, 佢都話冇chicken rice...之後我番galley check, 冇哂chicken rice, 再開日本菇的cart, 發覺佢自己keep 起左...唉.........其實當時我地都已經差唔多做完,點解唔俾我地喎??  另外, 我地做完 service, 阿哥發覺唔見左d 2nd meal 的tray, 而當時又有同事見過日本菇入過黎我地galley 拎野, 所以大家都以為係佢拎錯左2 nd meal 的tray 派俾d 客, 但前面阿哥問過她之後, 佢話佢冇自己去拎, 係有同事拎俾佢既...咁同一條aisle, 除了架妹, 就只係得番我同我partner啦...但問題係...我地兩個都冇掂過d tray 喎! 最後究竟係邊個拎左, 就真係無人知...又或者, 只有"當事人"先知啦! 阿哥話, 好彩今日有extra meal, 唔係派第2餐的時候都唔知點算....

雖然今日好light loading, 但d order 好多...每次我做完一個order, 又會有第2 個order 黎...接住落, 做到第一group 同事休息完番黎, 我先叫係o岩o岩做完手上的order...數目當然是可觀啦!  

不過卻發生一段小插曲, 孤菇係休息前做完最後一個order, 順便check 下d 箱lock 哂未, 點知發覺唔見左其中一個lock 呀! 搵過galley 的地下又冇, 再搵下係唔係d 箱裡面, 又冇, 其他當值的兩位同事又幫我搵, 又係搵唔到喎! 結果我放棄了, 咁o岩老總行經過, 我就話俾佢知, 佢第一個反應就係: "咁大個lock 你都唔見左呀??" 嗚嗚嗚..唔好咁啦! 我都唔想啊! 不過佢都幾好人, 話如果我想,會寫個report back up 番我... 其實我一向都係失魂魚黎, 但呢d 事都係第一次發生係自己身上...

終於到我休息了, 自己病病地的時候, 就會發覺crew rest 個度d 空氣真係不太好, 咳到我半死, 最後我寧願用張被蓋埋自己個頭訓好過了...
有d 野唔搵, 真係會自己走番出黎既, 起身後, 同事對我說已經找到個lock, 原來係我唔覺意放左個lock係本duty free magazine 內, 再將個本書放左係個cart上面... 同老總講番, 我都俾佢笑左一陣...sorry nei!
10 小時的航程終於和平地度過了...溫哥華的天氣都幾涼下, 自己好似帶唔夠衫添...

另外, 番到酒店後, 我check 了一下頭先既 sales, 發覺自己唔記得掃兩條煙條數...有一條就收左錢(因為係同事幫我買), 但另一條唔記得掃就俾左個客呀!!! 結果我而家冇收百幾蚊...第一次要自己倒貼...

唉, 點解今日番工咁失魂架?!