未停過(上)

2006.09.03

第 196 次飛行

full load flight + day flight, 註定左今次係一班幾辛苦的機, 但估唔到, 我唔係俾客人玩死, 而家係同事玩死...

briefing 的時候, 老總都冇乜野, 仲有講有笑, 點知一上到機, 開始黎料....

派完第一餐, 去埋wine service, 老總話要去water service???!!! 去完先去tea/coffee, 當所有事都做完後, 我地打算去collection...點知, 老總話要去2nd tea/coffee..阿姐立即同我地打哂眼色, 即係點都要去多轉...

做完一輪 duty free order 後, 我都唔敢食野住, 打算做埋其他應該做的事才食野...而第一group 同事都差不多要去休息了...我打算等他們走後, 我才食野...淨番我與另一位同事(同事m)時, 我就問佢, 頭先有冇人check 過washroom, 果然如我所料, 係冇...原來頭先service 完, 冇人check 過 , 之後野都唔想食, 只係想check 完先食..同事m 就話washroom 出面好多人排隊, 唉, 咁好啦, 食完野先check...點知食食下, 老總入左黎, 其實briefing 時, 佢話要keep the galley clean, 但佢要clean 的程度係好高囉! 好似我地準備左一杯杯水放左係galley 上面, 等d 客方便d 拎, 但老總就叫我倒哂去, 唔準咁樣放, 同埋我地去水的時候, 又唔準倒好哂一杯杯水拎出去, 而要放好哂一隻隻空杯, 等有客要, 先準倒落隻空杯度, 唉, 平時light loading 咁做就唔係問題者, 但full load 喎! 如果我本身我拎個small tray 上面已經有裝了水的杯, 再拎jug 水, 大慨可以應付 10 幾個客人的, 但如果small tray 要放空杯, 再拎jug 水, 咁10 個客都未serve 完就要番去添水! 結果只係加重我的工作... 仲有, 好似我食食下野, 飲飲下野, 有call light, 我去應, 點知一番黎, 又見佢話要收埋d 野囉! 嗚嗚嗚, 我都未食完.. 後來我怕左佢, 用5 分鐘食哂d 野, 再收埋哂d 野...仲有我做duty free 那部機, 佢都唔俾 visible in the galley...同埋去check washroom 的spray, 都唔得............結果, 我將所有野都丟哂去chiller內.... 

今次呢班機, 成日都有氣流, 一有氣流, 就係check 洗手間的最好時間, 由於同我當值的同事m 有個complain 俾老總brief 緊, 我就閃左去check washroom, 我心諗: "唉, 有事之地, 遠離之......." 今次班乘客算係咁, 洗手間都不是太污漕..只要放番d toilet roll 就可以了... 話說轉頭, 點解我話我估到冇人check washroom, 係因為今日見到自己的名字又再次係最"頭" ...唉! 最唔開心就係咁, 最好有多個名係我前面會好d 囉... 之後ground prparation, 又係自己一手包辦, 都唔知我partner 去左邊.....所以我都唔駛有好多期望, 靠自己好過...

待續...