第一站 - Waterfront

2006.09.23

訓了一覺後, 今日起身第一次時間就係去lobby 食個平平地的breakfast buffet, 本來就係我自己一個人既, 點知落到去, 見到兩個阿姐同一位阿哥, 本來我都廢事阻住佢地, 自己一個坐開, 點知阿哥拉左我同佢坐..都好既, 起碼唔駛咁悶...阿哥一聽到我把聲, 就問我: "你唔舒服呀?", 真係有點安慰, 你係第一個發現...

食緊早餐的時候, 係咁聽佢地講公司野, 仲俾我睇到更多公司好cheap 既野, 聽完, 真係覺得好稀虛, 估唔到一間咁大的公司會係咁...不過算啦...我都開始化...我鍾意既唔係呢間公司, 而家自己呢份工作...總之, 公司唔搞我, 我都唔會搞你...不過聽到最唔開心的消息就係而家我地係溫哥華的酒店呢個年尾就要裝修啦! 仲要兩年咁耐呀! 到時我地一定會轉酒店, 而家我地係住係downtown, 遲d (年尾)好大機會要去番richmond 個邊住, 真係有d 唔開心架! 而家呢間酒店都幾好, 出入又方便, 係正city, 真係想去邊都得, sight seeing 都多左好多地方考慮先啦! 第日去左richmond, 真係唔駛再shopping 同 sightseeing 啦!)之後聽佢地講, 轉番去richmond 個邊住都算啦...仲聽講我地要住INN???唔係掛? 公司cheap 都唔駛cheap 成咁掛...公司已經為了cut cost 而請了vancouver based 架啦喎! 已經俾少左好多房租錢, 而家仲要cut 埋我地住既?? 如果係真既話, 就太過分啦!  忽然覺得今次被roster 呢個pattern, 覺得自己好幸運, 因為可能今次係我最後一次係呢間酒店停留, 問心, 真係好唔捨得, 因為呢度的staff 好好, especially 成日教我點去 sightseeing 那個男人...仲有成日派allowance 俾我地既男人又係好好人, 試過有次我跌左錢係"車立" 個條"啦", 佢竟然俾番exact 既錢我...好感動啊!  仲有, 呢度上網係唔駛錢..so i love it!

食到10 點幾, 因為可能今次係最後一次係 downtown stay,加上家兒的鼓勵, 我決定抱病都要去sightseeing!  出門前, 食左粒藥, 圍起頸巾, 出發!

其實孤菇今日的目的地係最著名的capilano suspension bridge, 不過因為會路經waterfront, 所以就去一帶睇下先...上次黎天氣不太好, 所以影唔到相, 今日就差好遠啦!

i-max

好好天啊! 仲好曬添! 不過係10 度的氣溫下, 俾d 陽光照下, 成個人都溫暖起來...

睇見呢隻郵輪, 忽然記起你今早同我講那一句: " u go, i go, u jump, i jump..."

canada place

係waterfront 行完一輪後, 就要坐seabus 去 north vancouver 啦! (註: seabus 其實係一架船, 唔係巴士)  下面呢張就係north vancouver 啦! capilano suspension bridge! i m coming!

p.s 孤菇長期都圍頸巾, 但點解呢度既人冇人圍既? 仲要俾我見到有人著無袖的衫... 佢地又望住我, 我又望住佢地, 好似我係怪物咁..