領悟

2006.09.05

第 196 次飛行

回程, 我有點不快樂, 不過我不想時時抱怨, 讓我嘗試從另一個角度去看吧!

首先就係delay, 問題並不是在我們那裡, 而是從香港來LA 的機遲了, 因為這樣, 我們便可以在酒店睡多個半小時...不過我就睡不著, 想睡的時候, 又差不多到report duty 的時間, 唉...好彩, 仲有杯iced vanilla latte 再一次陪著我...

回程經濟客艙只得大約 120 位乘客, 我做咁多次LA 機, 都未試過咁少乘客, 基本上, 客人的問題並不多, 只是我的zone, 有兩位叉叉(印度人), 兩兄妹(起初我仲以為係couple 黎...) , 佢地要求moslim meal, 但佢地之前又冇order 到喎, 到我serve 到佢地的時候, 我先知道原來佢地兩個冇order 到special meal, 我同佢地傾左好耐, 終於搵到d o岩佢地食既野, 但這只應付了第一餐, 還有第2 餐我需要處理呢! 最後我告知阿姐, 佢就同我去同呢兩位印度人傾傾啦! 阿姐講既英文太快啦! 兩位根本跟唔上, 哈哈! 因為我之前同佢地兩位傾過計, 所以我知道要慢慢講, 佢地先明白, 傾左一大輪, 終於傾好左佢地第2 餐可以食d 乜, 又要肯定佢地冇問題先得...傾完後, 印度人哥哥話佢妹妹頭痛, 又高血壓, 我就只好俾粒藥佢食, 再時不時check 下佢地啦! 雖然我地同佢言語溝通上有d 困難, 但佢地都算唔錯架!  哥哥好錫佢個妹, 第一次我見到妹妹個頭訓左係哥哥既大脾度, 第2 次, 哥哥俾左成行俾佢妹妹訓, 自己就去左後一行坐...但因為那一行我本身係打算俾另一位女客人occupy 哂成行既, 見到呢個情況, 我就幫那位女客人另找一行位置訓, 咁兩位印度人就可以一人訓一行啦!  點知印度人哥哥見到我咁做, 話唔好意思要那女客人調位, 自己調就可以了, 但咁樣又點得呢? 如果哥哥再調遠d, 點照顧佢妹妹呀? 結果我地傾左一大輪, 而那女客人根本都唔介意再調位, 我地終於說服了那印度哥哥繼續留番係佢自己那行啦! 事件亦解決了...

係呢一篇的開頭, 我說過會從另一個角度去看東西...是這樣的...

話說回程的時候, 做ground preparation, 與我同galley 的3 位同事都唔知做了些什麼, 同係香港出發一樣, 幾乎所有東西都係我自己一手包辦, 就連最簡單搵headset, amenity kit 都唔識搵...唉...最後得我與我同學茱迪去找...最搞笑係, amenity kit 一向只係兩處找到, 茱迪問與我同galley 的同事door 5 有冇, 佢地話冇, 點知我同佢去door 5 睇, 所有東西都係哂度呀! 咁點解佢地話會冇架?

到boarding 的時候, 我都明白今日好少客人, 但我認為, 平時上客的時候, 最基本應該係帶位...但我的同事就只留係galley 內chit chat...而派headset, amenity kit, menu, landing card 呢d 野, 全部都冇人主動去做, 佢地chit chat 到我派左半個cabin, 先出聲話幫我...其實這些都是大家基本的duty 啊!

呢一程, 老總調番轉第1 group 訓, 搞到第一group 休息的同事幾唔開心啊! 因為佢地訓醒後, 就有排受了, 個個經過我地galley都同我地講佢地呢個的bad news, 相反, 就係我地2 nd group 的good news! 哈哈!  雖然係咁, 不過老總走前要我地30 分鐘去一次snacks, 水...等等, 連noodles 都要去一次呢! 不過客人不算多, 而中國人都不是很多, 所以都不是有太多人要食野...而當老總差唔多休息回來, 我地就要clear 哂galley top...等等, 諗番起當時的情況都幾好笑呢! 大家次次見到佢, 就話:"魔鬼黎啦!" 確實, 佢次次行入黎個樣真係好惡, 笑都唔笑, 真係嚇死人啊! 不過佢就只係識點人做野, 自己就唔做個隻...就好似, 佢執到一大份報紙, 而個垃圾桶就係佢眼前, 呢個時候, 我咁o岩同佢擦身而過, 佢咁近個垃圾桶, 都要同我講一句: " u help me to throw this!!!"

終於到我休息啦, 今次真係累了, 一訓就4 個鐘...起身後, 入了洗手間梳洗, 點知我發覺d toilet roll 冇哂, 都冇人加添過, 洗完手, 打算用抹手紙抹手, 點知, 連抹手紙都冇啊! 我開始懷疑, 究竟我那兩位"好" 同事呢4 個鐘有冇check 過洗手間呢? 加上佢地又同阿姐一齊當值, 冇理由洗手間都唔check 架麻!
到最後的service, 明明講好我地由第49 行start 起, 咁前面就第48 行start 起, 點知前面同事skip 左第 48 行那個女人, 我好心提前面的同事, 點知佢只係一句: " 我知!" , 但就乜野都冇做到, 餐到冇派番俾第 48 行那個女人, 見到呢個情況, 我知道除左我serve 佢, 都唔會再有人serve 第 48 行那個女人了...最後自己搞掂..

落了機, 我同茱迪吐了苦水, 我開始明白點解次次briefing 老總都要咁長氣話boarding 應該要做d 乜, 記得要check washroom 等等...原來如果唔係次次提同事們, 同事們係會唔做既...係我眼中, 今次的同事永遠只係等食, 等訓...另一方面, 我都開始明白點解老總有時會咁"變態", 我相信, 如果我對多幾次這樣的同事, 我都會變態埋一份... 每次遇到呢d 情況, 我都唔會出聲, 只會繼續做好自己的本份...

幸好今次有茱迪同學係度, 而佢都係唯一一個幫過我duty free 的人, 其他人? 一句都冇問過....

落左機, 什麼事都不想再想, 再一次closed, locked and sealed...case closed.