Relax!

2006.09.14

第 197 次飛行

去南非的時候, 其實係轉左aircraft, 點知番黎又轉aircraft, 搞到少了個紫姐, (呢隻機種應該有個紫姐係商務, 有個係頭等的),  結果臨時另一班機的老總問她那班機有冇人想早一日回港, 當然有人想啦! 結果就有位同級的同事k 同我地一齊回港, 而佢就冇啦啦升左兩級, 係頭等做紫姐!

雖然番黎都幾full, 但總之仲有10 幾個位剩已經好好了...我地遲了少少起飛, 係因為有位客人唔知同邊個講佢有炸彈係身, 之後又話自己只係講笑, 我地呢間咁大又安全第一的airline, 就算對方係講笑, 都唔可以俾佢留係飛機上面啦! 所以最後我地要offload 佢!

一起飛, 就收到老總的消息, 話有位客人因為座位的問題, 俾錢upgrade 去 商務呀! 仲要差唔多$9000! 因為用 credit card 俾多過$2000 就要打電話去拎個security code, 所以就要由做duty free 既我去打啦! 我有十萬個不願意呢! 因為我唔鍾意次次打電話都要用自己張credit card 囉! 但唔打又唔得喎!  結果一take off 就要打...點知又打唔通...當時我個zone 仲有成兩個baby bassinet 等住我set, 真係忙到死, 最後因為要做service, 我只好等一陣先再打過, 而老總亦因為等唔切, 所以最後佢自己去打左...

其實成班機都冇乜野特別事發生...只係其中有一盞reading light off 唔到, 而complain 既並唔係坐係reading light 下面的乘客, 而係前面客人complain, 我地又搵極都搵唔到專用黎遮住個盞燈的cover, 而當時阿姐已經去了休息, 所以我只好硬著頭皮去同個客解釋一番...我講左好多好多野之後, 個客ok 左啦...

之後就係杯麵大戰, 歷時個半鐘...好彩呢程機load 的杯麵並唔係好多, 所以唔算太辛苦, 不過點都係累架啦! 一落到個bunk, 我又訓左成 4 個鐘了....係我訓到好開心的時候, 唔知點解我周圍的同事 4 個鐘都訓唔到呢?!  結果我係全機最精神那位!

每次做緊service, 阿姐一個人補給4 位同事, 真係好辛苦呢! 有時我個cart 乜都冇哂, 阿姐都未黎, 真係唔想催佢, 但我等得, d 客都唔等得...見到佢行埋黎, 好緊張咁, 係咁講sorry nei...見到佢咁, 我由衷講左句: " relax!" 她回心微笑...原來簡單的一個字, 已經令當事人輕鬆了不少...

終於番到香港, 但因為我想避開同機上的某同事, 我飛快地拎完suitcase, 偷偷地離開機場....