2006.09.20
本來貴人說好4 點來接我的, 最後, 差不多5 點才到, 其實與他傾電話的期間, 佢的不肯定的語氣已經令我覺得, 佢今次一定會遲, 而我又再一次估中了...
由於佢要番office 搞一搞d 野, 所以要去佢office 一趟, 我一邊打機, 又一邊等等等...另外一邊上 msn, 一邊又再睇媽媽打俾我的一連串擔心我安危的msg...為左令佢唔擔心, 我只好扼佢我冇離開過酒店...sorry mom!
到了7 點, 我地就打的去了tewes pier dinner...個度有間叫 " in love" 的餐廳, 露天的, 起初我地仲怕會落雨, 最後多謝上天, 天氣還可以的...
我冇乜主意, 加上又唔係好識得個度既 menu, 所以由佢負責吧! 但估唔到佢叫左三碟都係蝦囉! 係三種唔同款式...
首先就係 salad..
呢個唔知乜野黎...只係知有蝦囉! 同埋都幾好食...最開心係有蝦膏! 哈哈!
呢樣我幾鍾意...味道好似西多士咁, 但其實係豆腐 + 蝦 + 蜜糖.. 佢仲話左俾我聽呢一樣叫乜野名, 佢話係 " 你去到邊, 我又跟你去到邊 ", 我聽完, 唔係掛...玩我咩??? (鬼叫我唔識睇泰文...) anyway, 佢話真喎! 信唔信就由大家啦!
一邊dinner, 一邊欣賞條 rama VIII bridge, 都唔錯! 無可否認, 我覺得都幾浪漫, 亦事前完全冇想過, 在曼谷都可以咁浪漫的. 可能除了有夜景外, 仲有d 好舒情的歌聽下啦! 不過呢, 我都係鍾意香港個條青馬大橋多d..
呢條橋我就真係唔知乜野黎...
dinner 後, 貴人原來想帶我坐的ferry 已經過了 8 點鐘最後一班了, 所以我地只好坐另一隻船過對面岸...過對面做乜? 我地都唔知, 只係漫無目的咁走....呢隻船, 好有50-60 年代feel, 我鍾意!
上了岸, 我們迷路了, 結果貴人俾左少少錢一架路過的電單車, 載我地去巴士站...之後我地上了巴士, 又係漫無目的....中途睇到不少坦克, 孤菇都係第一次見咋! 再諗起今日貴人幫佢朋友去採訪, 應該都幾刺激的...
最後去了佢以前住的地方附近飲左杯野...
最後就係去行夜市了...去到個度, 忽然覺得自己去左旺角, 好多人呀! 仲有好多鬼佬!
我地一邊行, 一邊研究邊個係人妖...哈哈!
成條街, 最恐怖就係下面呢樣野... 有個鬼佬仲買左d 蟲, 當場食!
俾你地睇個草猛close up....
最後因為大家都太累, 番歸了....
貴人問我點解今次呆呆滯滯, 對不起, 真的不知怎樣對你說...
No comments:
Post a Comment