鳥龍事

2006.09.01

第 195 次飛行

昨晚我與兩位"病人"傾計, 點知一個話佢想死, 一個就係咁"唉", 我冇你地兩個咁好氣, 我關心你地, 你地就咁樣... 對於"想死" 那人, 我話你死左, 我就唔會去某地方找你啦! 你就一句: " 乜好難委你咩?" 對住另一個, 佢話要去睇醫生, 咁我梗係唔阻佢啦! 佢就一句話我都唔慰問佢... 唉, 病人就是那麼愛鬧情緒, 我唔會再理佢地兩個...

今日我懷住緊張的心情上班, 因為今日我將會同top 10 飛, 所謂 top 10, 冇話指定只係得 10 個, 可能多過10 個, 又有可能少過 10 個, 但一講係 top, 就即係最惡哽的老總啦! 可能我之前同佢飛過, 俾佢鬧過, 所以我對佢的印象一向都唔好, 估唔到今次又同佢飛, 當然係驚驚啦!  一入 briefing room, 見到有幾位同事都幾緊張下, 係咁抹自己對鞋, 又係咁塗自己的指甲, 我心諗, 雖然我都驚佢, 但我又冇佢地咁誇張...

做星加坡機, 首先要解決的問題又係報紙的問題, 有人得到佢地想要的報紙, 就一定有人得不到啦! 做空服既, 當然希望滿足到哂你地的要求, 但滿足唔到既, 我地真係深表遺憾... 如果你地唔介意既, 我可以去到星加坡, 買一份報紙俾番你地既...滿意未? 呢個問題次次都有, 加上之前我寫既blog 都有講過, 所以我都唔想再多講啦!  總之次次都係因為呢個問題, 搞到我地空服 headset, 入境紙等等都派唔切...

唔知係唔係個心怯呢? 做乜野都驚驚青青咁...一驚, 就烏龍百出... 例如夾飽咁, 個夾飽器太滑的關係, 今日個飽成日冼左出黎...haha! 仲有, 成日跌雪糕囉! 真係失禮死人啊!  最嚴重就係, 連找錢都唔識找...平時個腦run 得好快架麻! 今日好似hang 機咁... 最搞笑都係, 我執duty free items, 一時睇唔到個垃圾桶開左個蓋, 再唔小心丟左隻pilot bear bear 入去呀!  當時好多同事都見到呢個情況, 大家一齊大叫.. 個垃圾桶又深喎... 用手根本拎唔番隻bear bear 上黎...最後我叫同事拎個夾飽器, 因為夠長麻! 再夾番隻bear bear 上黎囉!  好彩隻bear bear 有個膠袋套住, 如果唔係就臭哂啦!

經過一輪烏龍事後, 終於黎到星加坡啦!