懂得享受的日本人

2006.08.31

第 194 次飛行

回程兩個sector, 都好順利咁度過...如果班班機都是這樣, 就好了...

唯一我想分享的, 就是日本人的飲食習慣啊!  

日本人一向俾我的感覺, 都係好乾淨, 做乜野都有條有理, 男人既就大男人, 女人就樣樣服從個男人咁...

今日做第一程機時, 商務得10 個客, 當中有8 個日本人..由於客少的關係, 每一個service 很快就完成了, 而每一個service 完成後, 例牌都要去做collection, 收哂佢地食完的東西...點知我同阿姐行左成十幾廿轉, 最快食哂就係兩個外國人, 而那8 個日本人, 食左成30-45 分鐘, 都未食完個main course, 點解? 因為佢地一邊食, 一邊研究d食物, 又或者係度欣賞, 就算佢地將一件食物放入個口度的速度, 都比一般人慢 10 倍...有d 日本人就一邊睇報紙, 一邊食...有d 日本人就係一邊食, 一邊望下出面蔚藍的天空, 有一對日本人, 係食完一半, 就會同另一半交換黎食... 最後行下行下, 我地都唔好意思再出cabin 啦! 等了很久, 我地先敢再行出去做collection...哈哈!  其中有對日本夫婦, 次次一見到我出黎, 就狂笑, 因為我次次行出黎, 佢地都未食完, 我又望下佢地, 佢地又望下我, 相對而笑... 那對夫婦真係好恩愛, 仲好夾添! 好似order 食物時, 佢地兩個人成日都異口同聲講同一樣野架! 真係羨慕死人... 雖然我同佢地之間有語言的困難, 但佢地的笑容足以令我知道佢地好滿意我地的服務...

不得不承認, 日本人絕對是一個很懂得享受的民族呢!

終於番到香港啦! 眼訓死我! 係巴士上最好的節目就係....訓一陣啦! 哈哈!

忽然好後悔明天調左班機黎飛囉! 孤菇明天又要飛啦~~!