熱鬧

2006.08.19

第 191 次飛行

今日全班機組人員, 有過半數的同事, 我都是曾經與他們飛過, 有的FD 飛過, 有的前一排見過, 有的o岩o岩紐約機飛完, 有的上次7 day rome 飛完, 有的很久前做台北又見過, 還有一個是o岩o岩我做個班紐約機做乘客呢! 佢仲問我認唔認得佢...我一早覺得佢熟口熟面, 但就是想不到幾時見過她, 經她這一說後, 原來係o岩o岩個班機..哈哈! 又會咁o岩既...不過起初我好驚架! 因為當她問我是不是前3 天的紐約機回港, 而我又說"是" 的時候, 我以為個單野連佢都知添....好彩.....唔係呢回事...唉...

晨咁早起身, 但可能今日有lowbay 同我飛啦, 所以心情是愉快的, 說話都多了...

 平時一大早番工, briefing room 一定好靜的, 但今日我覺得少有既熱鬧啊!

上到機, 知道有成50 個child meal呀! 一班台北機有咁多special meal, 算是多了...問題是..我們只有一小時左右做完整個service...相信會有點吃力, 加上...阿哥..又好似唔知點咁...係呢度都唔想講太多...過左去就算啦...佢本人就好似冇乜野, 但我的確有d 驚佢...

一小時左右的機程很快就完結了...今次我覺得算是順利的一班機啦...如果台北機都有事發生既話, 我就睇黎真係要去行個大運囉!

由於航機係台北停留大慨一小時就會去東京...所以由香港上機的乘客, 可以選擇留係機上等候, 又或者離開機艙, 一會兒才回來..但有條件, 就是根據保安條例, 他們必須帶齊所有隨身行李下機...怎料, 我地做after landing check 時, 發覺成個overhead locker 都是一大堆東西, 之後我就記起是一班日本人的...他們應該下了機去候機室等候, 但又不知道, 又或者忘記了要帶齊隨身行李, 最後我地要將一袋袋東西offload....

當我地一班空服準備過關的時候, 有坐我們飛機的乘客說他不見了passport, 起初他們說可以留在機上, 但後來又說可能在香港的duty free shop 留低左....唔係咁大鑊掛???!!!

 黎到台北先知...oh no! 最後紫姐搵左ground staff 幫佢地, 而佢地最後搵唔搵得番passport, 我地就不知道了...只希望佢地真係搵得番, 而唔係留左係香港啦!

落左機, 我只係好期待一陣我台北半天遊!

不過一想起明天兩個 sector 都full, 阿哥又咁樣, 真係唔知點算好...