苦笑

2006.08.07

第 189 次飛行

自昨晚睇完那張相片後, 我的心情一直沒有好過, 很久也沒有試過, 呢種痛就好似失戀咁, 感覺實在太糟了...

 很想哭, 但又不可以哭, 因為要飛...一著了制服, 我就要笑笑笑, 不過今天, 我好明顯是苦笑...

 要我開懷咁大笑, 的確太困難...

 加上昨晚又夜訓, 所以今日briefing 的時候, 我覺得自己好似發緊夢咁, 好彩老總沒有問什麼特別的問題...不過這個老總, 正如其他同事所說, 是一個好 typical 的malaysia既老總, 很長氣, 尤其是service 方面, 問了很多問題, 最終佢想帶出既係, 乜都要 black and white 囉! 好彩今日得百幾個客, 如果full load, 成3 百幾個客, 都要我black and white 咁做, 恕我難做到...

雖然light loading, 但唔知點解, 都會出現問題既, 好似有位客人話要轉位, 我說今天light loading, 應該可以轉到你想轉的位子坐, 但需要等差唔多所有乘客上了機才換位比較好, 當我知機門關了, 我告訴他可以換位, 點知佢話唔換住...到我做起飛前的checking 前, 佢先同我講而家要換位...唉! 無奈!

  另外有一家5 口, 他們boarding pass 上的坐位編排有點怪...分別是48 c, d, e, g, 及 64a....點解會有個係 64 a? 真係令人廢解, 最後我只好叫他們先坐在一起, 坐在 48 b, c, d, e, g 5 個位, 點知過了一會兒, 有另外兩位客人48 a, b 上機, 於是那一家5 口既爸爸立即好似好激動咁...唉, 其實我已經同佢解釋好多次, 今天light loading, 所以我一定安排到位子俾佢地全家坐在一起, 而那個 48 b 只係叫佢坐住先咋...由於佢係"叉叉", 所以係溝通上真係出現困難呢!

 我講左10 次相同的說話, 加埋手語, 佢終於明啦~~!

雖然心情不是太好, 但都有d 有趣事發生既...當我地去special meal 的時候, 想衝出去既時候, 見到有4 個食 moslim meal 的人, 將一張blankets 放係地上, 之後一齊跪下, 雙手舉起, 再向前彎...呢一種應該係佢地飯前的一種儀式...可能我係第一次見, 所以覺得幾得意喎!

 不過我拎住d meal 衝出去個下, 見到佢地4 個咁跪左係度...真係有點嚇親, 仲差d 剎掣都剎唔切呢! 哈哈!

 還有一樣, 我覺得有趣的是, 今天我地係 serve - chicken with rice 同埋 chicken with pasta 既...兩個都係 chicken 呢!

 對於我黎講, 就梗係好啦! 因為兩個都係chicken, 只需要揀rice or pasta 就可以了...

 不過當我向乘客講今日係 serve chicken with rice and chicken with pasta 時, 好多人都碌大對眼望住我, 好似唔信我咁, 我只好同佢地講, 今日兩個choice 都係chicken, 只要揀rice 定係pasta 就可以了, 佢地聽完之後, 又笑了一笑, 唉, 我自己都忍唔住笑啦! 我做咁耐未試過兩個choice 都係chicken 啊! 但我又好鍾意! 因為絕大部分人都食chicken 麻! 唔駛煩!

雖然仲係苦笑中, 但對住d duty free, 心情好了點, 只有專心一致工作, 我才可以忘記傷痛...

話咁快, 就到達第一次才到的地方 - 吉隆坡!