好眼訓

2006.08.08

第 189 次飛行

今日要成 6 點半起身, 大家既樣子好明顯係好累...同埋...係好眼訓......

老總同d 阿姐都好好人, 買左好多早餐俾我地食, 食到我地呢, 都未食飛機餐就已經飽到唔想做野啦!

今日比昨天多百幾個客人, 明顯地, 今日係辛苦好多既, 淨係做service, 我做drink, 感覺係好辛苦! 十足好似做緊星加坡flight 咁! 呢個要a , 呢個要 b, 個個叫既東西都唔同, 呢架機的機身又勁長, 真係行都行死我, 最後, 我都冇咁好氣, 去前面 j-class 拎好過.. 好明顯, 我入到galley, 大家會見到我塊面有幾紅...

不過最氣就係對住d "叉叉" 啦! 佢地明明已經食左special meal, 收到佢地既 tray 後, 我地做normal service, 我partner 又乜都唔知情, 又派餐俾佢地, 搞到佢地又食多一次, 咁o岩老總經過, 話俾我partner 知佢地已經食左架啦! 好彩既就係今日我地有extra meal, 所以就算佢地食多份, 我地都仲有足夠的食物俾其他既客人, 如果唔係, 都唔知點算好呢?!

 之後我做duty free , 問佢地yes 定no, 佢地一味左右搖頭, 而唔係上下咁搖, 仲有佢地講既英文, 真係聽死我....

 最後我忍唔住講左句: " sorry, sir, I really don't understand..." 最終都係用番手語...最好!

仲以為呢一程會好得閒既, 點知d 人又係唔到last minute 都唔order既...搞到我最後趕到死!

不過算啦....我只係想快d 落機!

上到車, 我真係訓到成隻死豬咁....好眼訓啊!