不會再相信 (前篇)

2006.08.14

第 190 次飛行

有時我會問自己, 是不是只有自己工作的航機上, 才有那麼多事發生呢?

 還以為回程會好一點, 怎料, 所有事都好像衝著自己來的...

Case 1: No stock

話說商務有位客人order 左一件 $1000 的電腦charges 同一條煙...怎料我睇到個opening stock 係冇那個$1000 的items...於是我同佢講啦...點知佢話: " oh! damn it!" 仲同我講佢黎的時候又係冇呢個items, 而家番去又冇...咁我就suggest, 如果佢想要呢個items, 下次上飛機前可以係網上做個pre-flight order 的...點知佢回答: " i wanna use it inflight now! cuz my laptop battery can only last for 2 hours! so how can i do my work now??????" 仲要 "jip" 一聲...

我心諗, 成$1000喎! 我都想賣俾你架! 但事實係冇麻! 我連張 opening stock 都俾佢睇埋, 仲可以點???

 由於個客仲order 左一條煙, 於是我要番去後面的gallay 拎, 其實個時我已有d 唔開心, 咁o岩我見到負責商務既阿哥, 我打算將呢件事話俾佢知, 因為一向briefing 都有話如果有d 乜野事, 都應該話俾section leader 聽先既, 起碼等佢地知道左, 唔駛到時有事佢地先知就會太遲...點知我同阿哥講完, 佢話: "你同我講做乜事?" 我話:" 我只係想inform你一下, 因為個客人唔開心.." 阿哥話: "咁你想我做d 乜野?" 我話: " 冇呀..我只想同你講聲咋..." 阿哥冷冷地咁講: " 咁你米借(battery)俾佢用囉!" 講完, 佢就走左, 好hurt 啊! 身為一個section leader, 點可以咁講野法架?! 搞到好似我講俾佢聽係多餘既... 

 事後我番去後面galley 同我個galley partner 講, 我先知原來呢個阿哥好出名的...唉...

 最後我只係賣左條煙俾那客人, 賣完後, 佢就問我邊個係manager, 話要同佢傾...於是我就死死氣氣搵老總啦...而由於我仲有好幾個order 係手, 所以當老總同個客傾緊的時候, 我就做埋我個d order 先, 不久, 前面的同事都紛紛知道呢件事, 都走黎問我, 而我都一五一十咁同佢地講, 當然, 大家都好明白我既遭遇, 而最後, 個客只係想同老總反映一下, 並不是要投拆我, 梗係啦, 我服務態度都不知幾好啊!

同埋我要做同講既野都做哂...忽然間, 我感到好無能為力...

 而家既我, 唔單止 dry, 仲好down...

Case 2: Drunk pax
呢一程唯一一樣好既, 就係同事休息的時候, 唔再得我一個對住阿姐啦! 今次阿姐去休息先, 而又有同事d 陪我, 前面商務又有個好nice 的阿姐上黎幫手, 好開心啊! 起碼我唔駛好似黎個程咁孤軍作戰吧!

 話說由起飛個一刻開始, 家兒個zone 有位叉叉成日都要vodka orange...後來同事休息的時候, 他要求要vodka orange, 還要vodka 多一點...雖然佢係咁講, 但我都唔俾咁多佢, 不過佢都算勁, 飲咁多都未醉...終於係我有少少忙緊整杯麵時, 有客人同我投訴佢啦! 話個叉叉一邊訓, 隻腳就一邊踢個video...搞到個女人訓唔到, 就算戴左個headphone 都聽到好大聲, 而我都親眼見到呢! 於是我就警告叉叉唔可以再咁踢, 點知過了10 分鐘, 個女人又發哂癲咁黎搵我, 仲好激動, 話如果個叉叉仲係咁, 叫佢"get off of the aircraft!" 真係嚇死我, 其他唔知情的客人, 一定以為個女人係度鬧我囉!

 於是我又再警告那叉叉, 我話佢知佢咁做 (1) 騷擾其他要休息的客人, (2) 佢會踢爛我地個video...(3) 我叫佢番去自己原有的位子...  點知佢死都唔肯番...再傾多陣, 我發覺佢應該醉了點...唉..呢個時候, 商務阿姐見到, 幫了我一把, 最後事情終於平息..謝謝你..

 亦因為咁, 我偷偷將所有vodka 都倒哂..一石二了...

待續...