2006.08.14
第 190 次飛行
Case 3: Someone smoking in washroom?
話說我與同事d 好悠閒的時候, 忽然聽到有smoke alarm 的聲音, 同埋見到個screem show 左個smoke alarm 發出的位置, 身為安全第一的cabin crew, 當然好緊張啦! 立即搵LAV 34...呢個washroom 就係商務其中一個...我地去到的時候, 已經見到仲有3 位同事及一位機師企左係出面, 等緊裡面的人出來..點知門一開...原來係落黎幫我地手的商務阿姐呀! 大家立即鬆一口氣, 仲爆笑囉! 原來係阿姐spray 個washroom, 個smoke alarm 太敏感, 所以響呀! 搞到大家都虛驚一場
, 因為咁, 原本好眼訓既我, 立即醒哂!
Case 4: 扼餐食
有位客人向我說作take off 後, 一個餐都沒有食, 而由於阿姐去休息前, 同我講過有位客人係冇食過野既, 所以我以為係佢, 仲叮左個special meal 俾佢食添! 點知...阿姐休息完番黎, 我先知我俾個客扼左呀!!! 太過分!
不過算啦...
Case 5 - Crew Bunk 事件
成班機, 最令我唔開心既, 除左Case 1, 就係呢單啦! 話說到我rest 的時候, 我是尾二那個落去個bunk 度, 所以只剩下3 個床位俾我揀 (有一張床是會多了出來冇人訓的), 而我訓開那個又俾人訓左, 當時只剩下最出面對下的床位, 中間上方的床位, 及最入下方的那一個床位...而最入下方的床位通常都係老總訓既, 所以我一定不會考慮訓那個的, 點知當我想著想著的時候, 有位商務做既同事向我說, 老總一早揀左中間上方那個床位, 那張床還有 1 st class 的blankets 呢! 於是叫我訓那個最入下方的床位, 起初我拒絕的, 因為覺得不太好, 但那同事一而再, 再而三叫我去訓, 於是我就相信了她的說話, 訓了那個最入下方的床位...就係咁, 我訓左5 個鐘...點知起身的時候, 我竟然見到老總係訓緊最出面下方那個bunk..我立即o 哂咀...
老總就講左句: "oh! it's you who slept in my bunk!"
我心諗...死啦, 我闖禍啦!
我立即向佢解釋, 仲say sorry, 而佢就話佢唔介意, 不過我都知死架啦! 我出左washroom 後, 見到老總同阿姐密密針, 唉, 一定係度講緊我啦, 我仲諗住係老總未同阿姐講之前, 我同阿姐報左案先...點知太遲了!
結果老總真係同阿姐講我囉! 但老總只係同阿姐講我訓左佢個bunk, 但冇講點解我會訓左佢個bunk 囉!
於是我同阿姐交代番成件事..阿姐話老總已話唔介意, 而同galley 的同事都叫我唔好太介懷, 因為他們都知道我不是有心的, 但我不是這樣想啊! 老總同得阿姐講, 就一定會同埋前面的同事講囉! 結果如我所料, 老總真係同前面的同事講埋! 話老總唔介意就假既! 唔介意既話, 又點會周圍同人講呀???!!!
其實我知老總係好介意囉! 唔好再扼我啦!
老總周圍咁同人講, 而唔講點解我會訓左佢個bunk, 咁我仲點見人呀???!!!
不知內情的人, 一定會覺得好扮大牌, 扮阿姐囉!
今次又衰喎! 所有bc 內, 我係最senior 的一位, 真係邪爆! 想人地唔咁諗都唔得啦! 嗚嗚嗚...
其實我起身時, 知道自己闖禍, 我個心已經唔好過, 別人點睇我, 我已唔想理, 最大的關口就係自己個心呀! 我真係好過意唔去呢! 當同事安慰我的時候, 我真係差點哭了出來!
好彩經過呢5 日new york flight, 共事的同事都清楚我係一個乜野人, 並唔係一d 唔做野, 明明只係做左幾年, 又扮阿姐、大牌的人...加上大家都知道我是因為那商務同事先會搞成咁...後來那位商務同事來了後面galley 向我道歉...其實我心想, 道歉已經不再重要了, 因為事情發生了, 冇人知道是你叫我訓, 他們只知 " 我訓左老總個bunk" 囉!
不過我都知那位同事都不想的, 因為放完工, 佢仲係咁同我講sorry...忽然間, 我發覺呢排好多同事都同我講sorry...上次有班機又係發生了些事, 到我放了工, 她仲追出機場同我講sorry, 唉, 真係謝謝大家...
不過呢件事發生左後, 我同自己講, 我唔會再相信任何人了...
一直回家中, 我仲係好唔開心, 想喊, 又喊唔出...當我諗住自己有排都唔開心時, 貴人俾左張半裸的自拍俾我睇, 睇完, 我笑到肚痛, 點解? 因為好似key 上去囉! 有冇咁正呀??? 哈哈!
我都唔明點解, 都過左幾日啦..今日再打番呢個blog, 我竟然流淚了...
正如我同家兒講過...我個心真係好脆弱, 好易碎................................
No comments:
Post a Comment