有壓力

2006.08.22

第 193 次飛行

有時當我覺得我跟著的阿哥阿姐有問題的時候, 我會自我反省, 其實個問題會唔會係我度呢? 好似o岩o岩個班紐約, 阿姐有點懶, 我會想, 是否我自己唔識做呢?  又好似o岩o岩個次台北, 阿哥成日乜都話冇, 我會想, 會唔會所有事都應該自己做呢? 我又會唔會做得唔好呢?  今次呢班LA 機, 做service 個一刻, 我已經覺得阿姐串....甚至我覺得俾佢串完之後, 我覺得自己係個galley 係一個無能的人...

話說service 的時候, 我partner 前面 1 man cart, 我就由後面一man cart 就meet 我partner 啦! 由於我做得快過我partner, 我個cart 裡面既野一早冇哂, 之後阿姐就叫我同前面2 man cart...但問題係我自己已經問了我後面的客人吃什麼了, 而那時只剩下3-4 行(第53-56行)未做, 加上我見我partner 已經做到door 4 前面的一行(第53 行了)所以我就由我停左的第56 行派番上黎, 其實都係2 man cart, 都沒有什麼問題呢! 點知阿姐見到我拎住d tray 由door 4 去後面第56 行喎, 佢就"得" 左我一句: " 都叫左你2 man cart..." 唉, 但相信你都見到我partner 已經做緊第53行啦...唉........我只係講左句..." 係 ".....

做完service, 就係行wine service 既, 其實我知我地做緊service 的時候, 已經有d 阿姐幫我地行wine service了, 所以我一做完service, 立即同阿姐confirm 一下啦! 想問下仲有邊幾行未做, 我做埋去者, 點知佢話: " wine? 一早去哂啦! "  我心諗, 我只係問下, confirm 一下者, 但你d 語氣同講既野駛唔駛咁呀?

到左rest period 的時候, 我地應該做既野已經做哂...而cup noodles 方面, 我地準備左兩,三tray, 因為好多人都訓哂..加上又係night flight, 所以我地都認為唔需要太多, 加上落黎幫手的senior crew 都覺得唔需要太多...所以我地只係準備左兩,三tray, 整哂d 筷子, 就算了...點知阿姐rest 完番黎, 見到我地準備左兩三tray 杯麵, 就問: " o下? 你地淨係整左咁多咋???" 我勁唔好意思話 "係" 囉!  佢應該係嫌我地準備得少...但我個個月都去LA 的經驗話我知, 呢班機唔會太多人食囉! 就算多, 都唔夠其他機多...唉, 我心諗, 番黎我幫你整哂去... 所以當我rest 完番黎, 我真係好驚佢地去左好多杯麵囉! 好彩都唔係好多...thank god!

好啦! 做早餐啦! 又係一個1 man cart 係前面開始, 我就1 man cart由後面開始, 又係差唔多到第56 行, 所有tray, entree都冇哂, 一向都係同事k 黎幫我repenlish 既, 而我個cart 乜都冇哂, 我係打算番 galley同我partner 做2 man cart既. 點知同事k見我個cart 乜都冇哂, 就話拎d tray 出黎俾我...過左一陣, 阿姐就行埋黎, 同我講: " 乜你唔記得左頭先個service 係做2 man cart 咩?" 我立即打左個突...我同佢話: " 係k 同事話會拎d tray 出黎俾我, 我先仲係度呀!" 阿姐...唔好再咁對我啦! 好冇?  做完service, 我見到自己個邊已有人去tea/coffee, 而另一邊連service 都未做完, 於是我就立即拎個coffee jug 行一轉佢地個邊, 同事j 見到我個慘慘樣, 立即同我打左個眼色...

加埋老總又成日係個galley 度, 佢自己去水, 仲去埋 2 nd bread 囉! 搞到我真係好大壓力, 所以好多時, 我都唔想留係galley 度, 尤其是service 的時候...一出去cabin, 對住d 客, 我個心會開心好多囉! 今次呢班機, 係我做咁多個月LA 機黎講最 easy going 的一班客人啊! 雖然有一班係叉叉同越南人, 成日問我要water 同juice.. 但佢地的確係好nice, 只要俾到佢地, 佢地就開心...所以我又覺得冇乜野, 最緊要就係我有得俾佢地就得啦!  講開老總, 話說我地班機中間有成10 幾行的reading light 同 call light 都係唔work 既, 所以次次叮親, 我地都要係出面行一轉, 睇下有冇人同我地揮手囉! 亦因為咁...老總又問我拎voucher 呀! 佢話可能會派俾d 有 complain reading light 同 call light 的人呢! 我心諗, 唔係掛?! 又搵我黎搞? 好彩我俾佢個疊voucher 唔係剩好多者... 我仲記得, 臨landing 時, 有個客人知道reading light 唔work, 我同我partner 怕左俾人嘈, 拎左個大touch 俾佢照住黎寫...哈哈!
估唔到到最後都有事發生...臨泊去parking bay 時, 因為機場繁忙, 所以我地要等另一架機離開左停機枰, 我地的航機先可以泊入去...係我地等緊的時候, 有兩位客人衝左上前面, 話佢地有connecting flight, 就遲到...所以要上前面..但問題, 航機仲未停定, 因為安全理由, 佢地一定要坐低囉! 點知佢地死都唔肯...我都明既, 我地今日起飛又遲左, 而家到左LA 又遲左...已經遲左成個幾鐘, 但都冇辦法啊! 俾你上到前面又點? 機門一日未開, 你都出唔到去啦! 頭先一早同我講米好囉! 我可以同老總講, 叫佢地坐前少少的位置麻! 而家太遲啦...由於叫極佢地都唔坐低, 個客仲話: " u hv ur concern, but i hv my concern also!" 我真係想 XYZ 佢...呢個時候, 阿姐終於黎到...好惡咁叫佢地: " U HV TO SIT DOWN!" 佢地終於肯坐...之後阿姐同我講safety 係好緊要的, 仲加左句:"痴線", 我心諗, 佢係唔係講緊我? 唉! 一日都係你地呢d 客人, 搞到我又俾人串...

起飛遲了, 到了LA 又遲了很多, 結果遲了成個幾鐘, 凌晨先番到酒店, 係車上真係好想訓, 但由於同事j 一句:"頭先見你幫我地個邊去coffee 的時候, 個樣好委屈啊!" 唉, 連你都睇得出呢! 之後我地兩個就大吐苦水, 原來佢都有唔少啊! 我地傾傾下, 連其他同galley 的同事都傾起上黎....

似乎問題唔係我度...原來大家都領教過阿姐d 野...唉! 只係升左兩個月, 唔駛咁串既...

好彩番黎light loading, 唔係都唔知點算!

p.s 好多謝妹妹的安慰, 她說我唔低能, 串人那個先係最低能! 我聽完, 不禁大笑... 我有這個妹妹, 真的太幸福...