2006.08.19
一番酒店, 梳洗一下, 就出發去台北市了...
我地排隊買飛..之後入閘的方法, 我就真係好耐冇試過...係要打個hole 架! haha!
同埋, 火車站的型式真係好舊囉! 係出面望過去, 完全唔覺係一個火車站...
由於我地曾經早左個站落車, 所以遲左少少先到...不過好彩有lowbay 係度, 如果得我自己一個人, 一定唔識坐去台北市... 因為(1) 要中途轉車, (2) d 指示牌都唔清楚, (3) 我對台北呢個城市唔係好熟, 如果有張map 俾我睇下會好d 囉! (4) 我唔係好識聽同講國語, 就算我識問路, 我都未必聽得明人地講乜...
anyway, 去到台北市後, 再坐MRT, 就去到中正紀念堂了...
但一出去到, 第一種感覺係...好熱呀!!!!
好曬...! 行行下, 真係大大汗疊細細汗~~!
同埋個天...好唔靚!
我好難得先揀到幾張比較好既post 出黎...
其實都冇乜特別, 最特別應該係佢地換班的時候操黎操去, 再將把槍揮下揮下咁..
睇住佢地咁做, 我忽然有個奇想, 如果佢地揮揮下, 支槍跌左, 佢地會點執生呢? 我就係好期待呢一刻, 可惜啦...睇唔到...哈哈!
睇完, 又影完相, 真係熱到頂唔順, 仲衰過香港!
加上成朝都未有野落肚, 最後我地決定去食野!
No comments:
Post a Comment