瘋狂 Shopping

2006.08.05

好耐冇做過呢個tokyo long stay 啦! 本來係幾開心既, 但到拎allowance 的時候, 個心真係沉到谷底囉! 又少左錢啦! 今次得8 字頭, 真係陰公囉!

本來諗到好多地方想去既, 但因為真係太眼訓同累的關係, 所以只好放棄, 最後還是決定去Aeon centre 呢! 不過今次我唔係坐車去, 係第一次行路去呀! 因為N 小姐話佢會行去, 見有個盤, 我就join 埋去, 因為我自己都想知點樣行去個度呀! 咁下次自己一個人都可以去麻!

 不過呢! 我行行下, 就有d 後悔啦! 因為今日成30 幾度, 熱到死, 仲o岩o岩太陽準備落山, 勁曬囉!

 行左成半個鐘, 終於去Aeon centre 啦!

成日都冇食過野, 仲開始有D 胃痛...所以第一時間就係醫好個肚仔啦!

 上次我既同學介紹過蛋包飯好好味, 加上今日N 小姐極力推介, 我梗係要証一試啦! 總共有6 種 sauce既,  有 BBQ, cream, ketchup, tomato sauce, curry, cream & bbq mixed..

 最後我係揀左 tomato sauce, 另外俾多100 yen, 叫佢幫我加多塊cheese 上去..

 就係下面呢張pic 啦!

 果然係好好味, 我鍾意啊!

n 小姐就叫左兒童餐...

 點解佢要叫呢個...?

 仲有下文既, 睇埋再下面個張pic 你地就知架啦!

 

就係為左兒童餐送埋的玩具囉!

 有好多款揀架! 我同佢一齊揀左好耐, 佢最後都係揀左呢樣...

 

食完野後, 我地就分開行啦..始終我覺得行街街, 都係自己一個人行好d, 因為自己想去邊就去邊, 唔駛理人...

 係aeon centre, 我最鍾意行的地方有二: (1) 就係一間 sanrio shop, 另一處就係supermarket 啦!

首先我係去左 sanrio shop...起初我只係打算係個度睇一睇, 冇諗住買野既, 點知...行行下, 我聽到有個香港師奶同佢個女講: " 嘩, 我搵到我那個! 我一定要買!" 於是我向住佢的方向望, 就係見到下面的kitty生日杯杯...仲要係限量版呀~~~~!!!!

 我立即飛埋去搵呀搵, 最後搵到我想搵既日子...

 仲一口氣買左4 隻, 一隻俾自己, 一隻俾媽媽, 一隻俾妹妹, 仲有一隻, 買左俾我best friend!

 加多兩張限量版postcard, 埋單...

 

係日本買野, 最開心就係見到佢地將d 禮物包到好靚, 係靚到唔捨得拆左去呢!

 你地睇下下面呢張pic 就知有幾靚啦! 呵呵!

 

之後就係大戰supermarket, 見到d 刺身, 真係好想買黎食, 但又怕自己食唔哂, 又怕買到番香港唔新鮮, 所以最後都放棄左, 只係買左d 乾貨就算了, 其實真係好多野想買, 但因為怕自己個bag 冇位, 所以好多野只好留番下次先...

番到酒店, 成個人都散哂!

 見到張床, 立即上左去訓...

其實, 我差唔多次次係呢間酒店都訓得唔好既, 但今次例外呢! 可能昨晚只係訓得兩個鐘, 今日又做左成日野, 之後又出左去shopping, 成個人真係虛脫左...

雖然係好累...但自己不用再胡思亂想, 感覺的確很好!