水為財

2006.08.05

第 188 次飛行

多謝 "派比安" , 我地班機原本light loading, 俾佢谷到爆哂!

 "派比安", 我會記住你既!

今日briefing, 講到safety 的時候, 老總講番"飛機阿姐" 呢件事出黎, 首先佢想帶出既, 就係今日我地做既航班就係上次 "飛機阿姐" 出事那班機, 仲有, 佢想帶出, 我地應該點處理呢一類問題, 其實呢一個問題, 幾乎班班機都會發生...只係d 客冇 "飛機阿姐" 咁 "固執" 者! 哈哈!

 最後老總又想帶出機上面其實有好多人都會拍短片, 叫我地無論做d 乜野, 說話與行為方面都要小心d 囉...

 我本人覺得佢呢樣野真係講得冇錯! 因為我呢排真係聽到好多空服都俾人偷照, 係機上的走光照(只係影下唔影上面), 巴士上的熟睡照同走光照, 呢幾日仲聽到有人係公司canteen 偷拍空服呢?!

 我心諗, 有冇搞錯?! 乜私隱都冇哂啦!

老總果然冇講錯...今日我個zone 又有個gucci 女人, 起初我唔知佢那個手袋係 gucci 既, 我只係check cabin 的時候, 成日見佢攬住個幾大既手袋, 同埋張"木台" 唔收埋去, 我去提下佢者, 每隔 5 分鐘我都會去提提佢, 提下提下, 我都覺得自己有d 煩, 開始想搵其他同事幫我提提佢, 但佢成日都話知知知...但又唔做囉!

 到最後, 我又再提多佢一次...佢又係話知, 不過佢都幾nice 既, 佢話佢知的時候, 都係一個好善意的笑容, 最後我只好同阿哥report 呢件事, 佢又幫我行左一轉, 睇一睇, 冇耐, 傳傳下, 連前面的同事都知囉, 我partner 仲走黎同我講: " 又係 gucci 喎!" 呢個時候, 我先知呢! 我真係唔掂, 連gucci 袋係點既樣我都唔知...哈哈!

 anyway, 最後我check 的時候, 個女人終於乖乖地做好哂d 野..

 可以起飛啦!

由於我昨晚又訓得唔好, 只得兩個鐘, 搞到今日做野既時候, 出現 "發機瘟" 的症狀...

 成日都唔知自己做緊乜咁, 好彩做呢行已有一段時間, 上到機, 就好似著左個掣咁, 自己自動識做野...但有時因為太眼訓,  會唔記得左某d 野, 例如答應左乘客的東西, 要過左一陣先記起...

到幾時我先知醒? 就係個galley 忽然flooding 囉!

 我都唔明, 度度都冇水出, 淨係我坐那個位的chiller 出水...

 唔單止下面個chiller 出水呀! 連上面個d compartment 都出水...

 搞到坐係我對面個阿哥勁笑我!

 我最後咀咒左佢一句: " 聽日就輪到你...哼哼..."

 我地狂用blankets 同towels "索" 水, 都係唔掂...最後, 我就同成灘水一齊take off...

 但好戲在後頭...一take off, 飛機上升的時候, 連個天花版都漏水呀!!!!!!!!!!!

 嘩~~~!!! 好似落雨咁...

 到呢個時候, 我真係忍唔住大笑! 因為除左大笑, 真係唔知俾乜野反應囉! 哈哈!

 阿哥都不禁搖頭, 雖然聽過有同事講過有架機既天花板會落雨, 但估唔到我可以親身感受到囉!

 起飛後, 我地又要為個水浸的galley 排水...

成個service 都算run 得幾smooth, 都係多得阿哥呀! 佢真係好efficient 呀!

 做哂service, 仲以為可以鬆一口氣, 點知, d duty free order 係咁飛埋黎!

 第一個order, 全同事都好緊張, 仲話唔駛我去collection, 要我立即做左個order 先, 因為係有個日本人, 要買 15 支香水 呀!

但因為佢想要個3 款香水, 通常最多得兩支(但佢要每款5 支), 就算我開埋前面的cart 都係唔夠呢! 最後佢好好人, order 其他的香水, 買夠 15 支就可以...

 因為佢一定要買 15 支香水...我賣緊的時候, 同事都好好奇呢個係乜野日本人, 點解要買咁多, 起初佢地以為佢係女人黎, 點知我話...係男人黎架! 有幾位同事立即聯想到那個日本男人係唔係有15 個女人係日本囉! 我聽完後, 又係忍唔住笑, 真係好佩服佢地的想像力呀! 哈哈!

 之後我明點解大家都咁緊張, 除左因為佢係 " 大客" 外, 仲要手持黑卡呢! 雖然佢只係坐經濟客艙, 但唔好睇少呀! 淨係佢一個人, 都幫我買左成 6000 幾蚊!

  (不過都未打破我的紀錄, 試過有個客幫我買左9000 幾蚊!

) 做完佢呢單, 打後個兩個鐘, 陸陸績績都有order 飛埋黎,就係咁, 我就賣左兩個鐘頭野...仲要未停過...做到landing...

 係呢度, 真係好多謝各同事呢!

  由於有d"發機瘟", 我唔小心執錯左items 俾其中一位客人, 不過都好既, 因為今日班機, 有位新人, 只係飛第2 水, 佢今日係咁跟我學 duty free, 咁難得有refund 要做, 梗係要俾你睇下啦!

 

終於我可以係landing 之前, 做哂d order, 老總同阿哥都話我今日有 "水為財" 呢! 如果真係咁, 我真係要多謝d "水" 囉!

可能太忙的關係, 覺得今日好快就到左東京的成田機場呢!