唔夠飲

2006.08.21

第 192 次飛行

一向我都唔鍾意做馬尼拉機的, 見親都swap 走的, 今次standby 俾公司捉番去做馬尼拉機...算啦...間唔中一次, 我接受得到.

今個月馬尼拉機就做新的service, service 同台北機差唔多, 所有drink 都set 好哂, 唔駛再問客人要什麼飲品, 其實呢個方法都幾可行, 可惜菲律賓人出哂名係勁飲的民族..得一盒細細的juice 又點會滿足到佢地呢?

 pre-set 係tray 上面的juice 根本都唔夠, 第一程機, 我地已經要用埋 return sector 的juice 了...結果番黎個程, 我做左都未有10 行, d juice 已經冇哂, 最後又要開番一pack pack juice, 逐杯倒...不過都ok 啦, 因為我冇問佢地要飲乜, 一律orange juice!

 但有樣野都係避免唔到既, 就係n 個人要water 囉! 我真係記唔到有幾多人要水, 最後決定成 tray 去, 廢事煩...

總算都有個nice flight 既, 不過由於太眼訓的關係, 有時覺得自己係度遊雲, 同埋今日做的position 有d 唔同, 坐的位置都好唔同, 我好耐都未試過坐的位置係要對住成個zone 的客人了, 有點不慣...同埋上客時要去前面商務幫手, 又係有d 唔慣, 加上又好耐都冇做過, 為免做錯野, 我樣樣野都小小心心, 寧願慢少少, 都唔想做錯野呀!

 

做完呢班機的感覺係...好耐都未試過可以好得閒咁係個galley 食野囉! 我今日一口氣成左兩個entree + 一個 sandwiches...哈哈!

做完班機, 我有千千萬萬個眼訓, 係巴士上面少有地睡著了...

本來一切都是開心的, 點知我臨落車, 去拎自己的行李的, 唔小心扯斷左媽媽送俾我的水晶手鏈...

 散到一地都係一粒粒小小的水晶, 由於當時要落車, 我冇可能要個司機停低俾時間我執番d 水晶麻! 最後我只好由得佢地散哂係地上, 自己就落左車...

 我仲記得散哂個一刻, 乘客們都大叫 "水晶呀!仲好閃呀!"

我真係好鍾意個條鏈...因為個d 水晶好特別, 比一般的水晶閃, 最重要的是, 它是媽媽送的, 而且陪左我好多年, 加上, 由做空服第一日, 我戴到而家...點知一秒間, 散哂...什麼都沒有了...

下了車, 我第一時間打電話給妹妹, 點知我都講左冇兩句, 我已經係街上流住停不了的眼淚...

到呢一刻, 我都好傷心, 要搵番一模一樣, 我覺得冇可能, 最重要的是, 新個條一定搵唔番那種親切的感覺...

唉...而家打打下, 我又哭了....嗚嗚嗚............